យោងតាមកាចេញផ្សាយរបស់សារព័ត៌មាន Aljazeera ចេញផ្សាយនៅថ្ងៃទី០៤ កុម្ភៈ២០២៥ នេះថា លោក អាន់វ៉ា អ៊ីប្រាហ៊ីម នាយករដ្ឋមន្ត្រីប្រទេសម៉ាឡេស៊ី បាននិយាយថា ម៉ាឡេស៊ីនឹងបង្កើតទំនាក់ទំនងពាណិជ្ជកម្មយ៉ាងសកម្មជាមួយប្រទេសមហាអំណាចពិភពលោកផ្សេងទៀត រួមទាំងប្រទេសចិន រុស្ស៊ី និងប្រេស៊ីល ជាជាងរង់ចាំឱ្យសហរដ្ឋអាមេរិកមានសក្តានុពលដាក់ពន្ធគយ នោះទេ ។

លោក Anwar បានប្រាប់សភាម៉ាឡេស៊ីកាល ពីថ្ងៃអង្គារថា ភាពមិនប្រាកដប្រជានៅតែមាន បើទោះជាលោកប្រធានាធិបតី Trump ផ្អាករយៈពេល 30 ថ្ងៃលើពន្ធលើប្រទេសកាណាដា និងម៉ិកស៊ិក ដោយពន្ធរបស់សហរដ្ឋអាមេរិកលើប្រទេសចិនក៏នៅតែត្រូវចូលជាធរមានដែរ។ 

លោក Anwar បានបញ្ចាក់ឲ្យដឹងទៀតថា " ផ្នែកដែលចាំបាច់របស់យើងនោះ យើងត្រូវចាត់វិធានការយ៉ាងសកម្ម ... ​​ដើម្បីបើកបណ្តាញដៃគូពាណិជ្ជកម្មឱ្យកាន់តែទូលំទូលាយ" ។