ចិនបានប្រកាសពីការរឹតបន្តឹងការនាំចេញលើលោហ:ធាតុចំនួន5 ដែលប្រើប្រាស់ក្នុងវិស័យការពារជាតិ ថាមពលស្អាត និងឧស្សាហកម្មផ្សេងទៀត ប៉ុន្មាននាទីបន្ទាប់ពីពន្ធបន្ថែម 10 ភាគរយ លើទំនិញរបស់ចិនដែលដាក់ដោយប្រធានាធិបតីអាមេរិក Donald Trump ចូលជាធរមានមក។

ការត្រួតពិនិត្យដែលចូលជាធរមានភ្លាមៗ គ្របដណ្តប់លើលោហៈធាតុដូចជា៖  tungsten, tellurium, bismuth, indium និង molybdenum និងផលិតផលដែលពាក់ព័ន្ធ។ ក្រសួងពាណិជ្ជកម្មបាននិយាយថា ការត្រួតពិនិត្យគឺដើម្បីការពារផលប្រយោជន៍សន្តិសុខជាតិ។ ប្រទេសចិនគ្រប់គ្រងការផលិត ឬការចម្រាញ់លោហៈធាតុ ដែលរាប់ចាប់ពីបន្ទះស្រូបពន្លឺព្រះអាទិត្យ និងការស្រាវជ្រាវអាតូមិច រហូតដល់សំបកពាសដែក។

សហរដ្ឋអាមេរិកបានបញ្ឈប់ការជីកយករ៉ែ tungsten ក្នុងឆ្នាំ 2015 ហើយមិនបានផលិតប៊ីស្មុតដែលចម្រាញ់តាំងពីឆ្នាំ1997មកម្ល៉ះ នេះបើយោងតាមទិន្នន័យនៃការស្ទង់មតិភូមិសាស្ត្រអាមេរិក (USGS)  ។