ប្រទេសចិនបានចោទប្រកាន់សហរដ្ឋអាមេរិកថាបានធ្វើ "ការចោទប្រកាន់គ្មានមូលដ្ឋាននិងមិនពិត" អំពីតួនាទីរបស់ខ្លួននៅក្នុងពាណិជ្ជកម្ម fentanyl ដើម្បីបង្ហាញអំពីភាពត្រឹមត្រូវនៃពន្ធលើផលិតផលចិន។

ពាក្យបណ្តឹងនេះត្រូវបានប្តឹងទៅអង្គការពាណិជ្ជកម្មពិភពលោក (WTO) មួយថ្ងៃបន្ទាប់ពីប្រធានាធិបតីអាមេរិក Donald Trump ដំឡើងពន្ធតាមព្រំដែនលើទំនិញចិនចំនួន 10% ដែលជាវិធានការដែល Trump បាននិយាយថាមានគោលបំណងដោះស្រាយការហូរចូលនៃគ្រឿងញៀនខុសច្បាប់។ ប៉ុន្តែចំពោះពាក្យបណ្ដឹងនេះ ប្រទេសចិនទំនងជាមិនទទួលបានជោគជ័យដូចការពេញចិត្តរបស់ខ្លួនទេ ដោយសារក្រុមដែលដោះស្រាយជម្លោះពាណិជ្ជកម្មនៅតែមិនអាចដំណើរការបាន។ 

គួរបញ្ជាក់ឲ្យដឹងថា ជម្លោះពាណិជ្ជកម្មនេះបានកើតឡើងនៅពេលដែលលោក Trump បានដាក់ពន្ធ និងដាក់ទណ្ឌកម្មលើការដឹកជញ្ជូនបរទេសទាំងអស់ចូលទៅក្នុងប្រទេស របស់ខ្លួន ហើយការធ្វើបែបនេះកំពុងបង្កឱ្យមានភាពមិនច្បាស់លាស់នៅទូទាំងទិដ្ឋភាពពាណិជ្ជកម្មពិភពលោក។

ពន្ធគយក៏បានបង្កឱ្យមានភាពតានតឹងផ្នែកនយោបាយផងដែរ រួមទាំងការសងសឹកពីប្រទេសចិន ដែលបានឆ្លើយតបទៅនឹងការផ្លាស់ប្តូររបស់លោក Trump ជាមួយនឹងពន្ធទៅលើទំនិញរបស់សហរដ្ឋអាមេរិក និងការស៊ើបអង្កេតប្រឆាំងនឹងការផ្តាច់មុខរបស់ Google ក្នុងចំណោមវិធានការផ្សេងទៀតផងដែរ។ ហើយចំពោះល្បឿនដែលចិនដាក់ពាក្យបណ្តឹងទៅ WTO គឺជាការបង្ហាញពីការត្រៀមខ្លួនរបស់ទីក្រុងប៉េកាំងសម្រាប់ការប្រយុទ្ធពាណិជ្ជកម្ម។ ហើយចំពោះនីតិវិធីរបស់ WTO គឺបានផ្តល់ឱ្យសហរដ្ឋអាមេរិកនិងចិនរយៈពេល 60 ថ្ងៃដើម្បីដោះស្រាយជម្លោះរវាងប្រទេសទាំងពីរនេះ តាមរយៈការពិគ្រោះយោបល់ ដែលចំណុចនេះប្រទេសចិនគឺមានសិទ្ធិស្នើសុំការវិនិច្ឆ័យដោយក្រុមចៅក្រមបាន។

ប៉ុន្តែក្រុមប្រឹក្សាចុងក្រោយរបស់ WTO ដែលដោះស្រាយវិវាទពាណិជ្ជកម្មរវាងប្រទេសទាំងពីរនេះ (អាមេរិក-ចិន) នៅតែមិនអាចដំណើរការបានទេ ដោយសារសហរដ្ឋអាមេរិកបដិសេធមិនយល់ព្រមលើការតែងតាំងចៅក្រមថ្មីនៅក្នុងស្ថាប័ននេះ។