កីឡា៖  កីឡាករ Denis Puric បានធ្វើការប្រកាស និងអំពាវនាវឲ្យមានការស្តារកិត្តិយសលោកឡើងវិញ ក្រោយលោកបានបរាជ័យក្រោមកណ្ដាប់ដៃកីឡាករ Elias Mahmoudi កាលពីថ្ងៃទី ៧ ខែ ឆ្នូ ឆ្នាំ ២០២៤ កន្លងទៅលើសង្វៀន ONE ខណៈពេលថ្មីៗនេះ ត្រូវបានគេរកឃើញថា ដៃគូប្រកួតរបស់លោក Denis Puric គឺមានផ្ទុកសារធាតុញៀនក្នុងខ្លួន អញ្ចឹងតើបានជាកំលាំងខ្លាំងដូចជាក្របីឡើងករ ។

គួររម្លឹកផងដែរថា កាលពីថ្ងៃទី៧ ខែឆ្នូ ឆ្នាំ២០២៤ កន្លងទៅ កីឡាករ Denis Puric មានការប្រកួតមួយដោយត្រូវជួបជាមួយកីឡាករ Elias Mahmoudi មានវ័យ២៧ឆ្នាំ មកពីប្រទេសអាល់ហ្សេរី ប្រកួតលើវិញ្ញាសា MMA នៅសង្វៀន ONE Fight Night26 នាកីឡាដ្ឋាន Lumpinee ទីក្រុងបាងកក ប្រទេសថៃ។ ជាលទ្ធផល កីឡាករ Denis Puricបានបោះបង់ការប្រកួតនៅក្នុងទឹកទី៣ ។ 

ទោះយ៉ាងណា កីឡាករជើងខ្លាំង Elias Mahmoudi វ័យ២៧ឆ្នាំ រូបនេះត្រូវបានគេធ្វើតេស្តរកឃើញនូវសារធាតុម្យ៉ាងដែលមានឈ្មោះថា Meldonium ដែលជាសារធាតុហាមឃាត់ដោយទីភ្នាក់ងារប្រឆាំងសារធាតុញៀនពិភពលោក (WADA) និងត្រូវបានព្យួរឈ្មោះរយៈពេល៦ខែ មិនឲ្យចូលរួមប្រកួតប្រដាល់ សម្រាប់ការធ្វើតេស្តរកឃើញសារធាតុញៀន។ ដូចនេះ ការប្រកួតរវាងជើងខ្លាំងលំដាប់អន្តរជាតិ  Denis Puris ជាមួយនឹងកីឡាករវ័យក្មេង Elias Mahmoudi ត្រូវបានចាត់ទុកជាមោឃៈ ដោយគ្មានអ្នកឈ្នះ ឬអ្នកចាញ់នោះទេ។