ហ្គាហ្សា៖ ស្រប់ពេលអាកាសធាតុមិនអំណោយផល មានភ្លៀងធ្លាក់ លាយលំជាមួយខ្យល់បោកបក់ខ្លាំង នារដូវរងានេះ ធ្វើឲ្យអាកាសធាតុកាន់តែអាក្រក់ទៅៗ ធ្វើអោយប្រជាជនប៉ាឡេស្ទីនរាប់ពាន់នាក់ រស់នៅតំបន់ហ្គាហ្សា រងទុក្ខវេទនាកំពុងរស់នៅក្នុងតង់ដែលខូចបែកបាក់រហែកខ្ទេចខ្លី បន្ទាប់ពីផ្ទះរបស់ពួកគេត្រូវបានបំផ្លាញដោយការទម្លាក់គ្រាប់បែករបស់អ៊ីស្រាអែល  ។

ប្រជាជនប៉ាឡេស្ទីនរាប់រយពាន់នាក់បានត្រឡប់ទៅតំបន់ហ្គាហ្សាភាគខាងជើងវិញ ចាប់តាំងពីបទឈប់បាញ់បានចូលជាធរមានកាលពីខែមុន ដោយបានផ្អាកការវាយលុករយៈពេល15ខែរបស់អ៊ីស្រាអែល ។ ទោះយ៉ាងណាក៏ដោយ ផ្ទះរបស់ពួកគេភាគច្រើនត្រូវបានបំផ្លាញ និងខូចខាតយ៉ាងធ្ងន់ធ្ងរមិនអាចធ្វើជាជំរកដ៏កក់ក្ដៅបាននៅទេ ។

យោងតាមសេចក្ដីរាយការណ៍ព័ត៌មានរបស់លោក Hani Mahmoud ជាសហការីរបស់ Al Jazeera ចេញពីទីក្រុង Gaza បានឲ្យដឹងថា៖  ខណៈពេលដែល Ibrahim al-Khalili និយាយទៅកាន់ប្រជាជនប៉ាឡេស្ទីន ថាសូមរជម្លៀសទៅរស់នៅក្នុងតង់ ក្នុងសង្កាត់ Shujayea ទីក្រុង Gaza ជាបណ្តោះអាសន្នសិន ។