អាមេរិក៖ ចៅក្រមបានរារាំងលោកប្រធានាធិបតី Donald Trump ជាបណ្ដោះអាសន្នពីការដាក់បុគ្គលិកចំនួន ២,២០០ នាក់នៅទីភ្នាក់ងារអាមេរិកសម្រាប់ការអភិវឌ្ឍអន្តរជាតិ (USAID) ឱ្យឈប់សម្រាក។

បើតាមការបកស្រាយរបស់ចៅក្រម Carl Nichols បាននិយាយថា លោកនឹងចេញដីកាហាមឃាត់បណ្តោះអាសន្ន ដែលមានកំណត់ក្នុងការឆ្លើយតបទៅនឹងបណ្តឹងដែលប្តឹងដោយសហជីពចំនួនពីរ ដោយព្យាយាមបញ្ឈប់ផែនការរបស់លោក Trump ក្នុងការបញ្ឈប់ទីភ្នាក់ងារផ្តល់ជំនួយ។

ស្ទើរតែទាំងអស់នៃបុគ្គលិកចំនួន 10,000 នាក់របស់ USAID ដោយលើកលែងតែបុគ្គលិកចំនួន 611 នាក់ប៉ុណ្ណោះនឹងត្រូវឈប់សម្រាកចាប់ពីពាក់កណ្តាលអធ្រាត្រថ្ងៃសុក្រកាលពីម្សិលមិញនេះតទៅ ក្រោមផែនការរបស់លោក Trump ។ 

ហើយនៅក្នុងចំណោមបុគ្គលិកទាំងនោះ បុគ្គលិករបស់ទីភ្នាក់ងារ USAID ប្រហែលជា 500 នាក់ត្រូវបានដាក់ឱ្យឈប់សម្រាកដោយរដ្ឋបាល Trump រួចហើយ។ 

ប៉ុន្តែក៏មានបណ្តឹងដែលតំណាងឲ្យបុគ្គលិកចំនួន ២,២០០ នាក់បានលើកឡើងថា លោក Trump បានបំពានរដ្ឋធម្មនុញ្ញរបស់សហរដ្ឋអាមេរិក។

ក្នុងអំឡុងពេលសវនាការ ចៅក្រមហាក់ដូចជាមិនផ្តល់សំណើផ្សេងទៀតដែលជាផ្នែកនៃបណ្តឹង រួមទាំងការស្ដារជំនួយ និងកិច្ចសន្យា ឬការបើកអគារ USAID ឡើងវិញ។

ហើយហេតុផលនេះក៏ព្រោះតែ ចំណាត់ការផ្លូវច្បាប់បានលើកហេតុផលថា លោក ត្រាំ កំពុងតែបំពានរដ្ឋធម្មនុញ្ញអាមេរិក និងច្បាប់សហព័ន្ធដោយប៉ុនប៉ងបញ្ចប់ទីភ្នាក់ងារនេះ។ 

ព្រោះថាបើយោងទៅតាមលក្ខន្តិកៈសហព័ន្ធ សភាគឺជាអង្គភាពតែមួយគត់ដែលអាចបញ្ចប់ទីភ្នាក់ងារនេះដោយស្របច្បាប់បាន។