ត្រឹមរយៈពេល១៦ខែបន្ទាប់ពីការចាប់ផ្តើម នៃសង្រ្គាមនៅហ្គាហ្សា ទីក្រុងធំបំផុតរបស់ខ្លួននៅតែជាប់គាំង ដោយគ្មានសេវាសាធារណៈណាមួយនោះឡើយ។ ដោយមិនមានទឹក ឬថាមពល សំរាប់ប្រើប្រាស់នៅក្នុងទីក្រុង Gaza នោះទេ គឺមានតែគំនរសំរាមពុលប៉ុណ្ណោះ។ បើតាមការឲ្យដឹងតាមរយៈម្ចាស់ហាង Majid Bassam បាននិយាយថា នៅលើផ្លូវ Omar al-Mukhtar ដែលធ្លាប់ជាមជ្ឈមណ្ឌលពាណិជ្ជកម្មដ៏មមាញឹកនៃទីក្រុង Gaza ឥឡូវក្លាយទៅជាស្ងាត់ច្រងំ   ហើយអ្វីដែលគាត់មានក្ដីកង្វល់ដ៏ធំបំផុតរបស់គាត់ គឺសុខភាពកូនរបស់គាត់ ។ ផ្លូវ Omar al-Mukhtar ធ្លាប់ជាផ្លូវសំខាន់របស់ Gaza ដែលជាទីតាំងប្រវត្តិសាស្ត្រ វាជាខ្សែជីវិតនៃសេដ្ឋកិច្ចរបស់ Gaza ។ ឥឡូវបែជាប្រែក្លាយជាកន្លែងដែលមាន ក្លិនមិនល្អ សត្វល្អិត និងរុយ នឹងបង្កជាជំងឺរាតត្បាតផ្សេងៗ នេះបើតាមការបញ្ជាក់របស់ Majid Bassam បានប្រាប់ Al Jazeera នារសៀលថ្ងៃទី១០ កុម្ភៈ នេះ។ 

តំបន់ដ៏ធំល្វឹងល្វើយនេះប្រែទៅជាគួរឱ្យខ្លាច និងត្រូវគេដាក់ឈ្មោះវាថា ព្រៃខ្មោចលង ព្រោះវាសំបូរទៅដោយសត្វល្អិត ឆ្កែឆ្កួត ដែលជាមូលហេតុកំពុងធ្វើឲ្យប៉ះពាល់ទាំងផ្លូវកាយ និងផ្លូវចិត្ត ជាពិសេសជាងនេះទៀតនោះគឺ ផ្នែកហិរញ្ញវត្ថុ»។