ក្រុមហាម៉ាស់បានគំរាម ការពន្យារពេលការដោះលែងចំណាប់ខ្មាំង បន្ទាប់ពីរគ្រោងនឹងធ្វើឡើងនៅហ្គាហ្សា នៅថ្ងៃសៅរ៍ក្រោយនេះ " រហូតដល់មានការជូនដំណឹងបន្ថែម" ដោយចោទប្រកាន់អ៊ីស្រាអែលថាបានបំពានកិច្ចព្រមព្រៀងបទឈប់បាញ់។

អ៊ីស្រាអែល បានពណ៌នា អំពីការគំរាមកំហែងនៃការពន្យារពេលដោះលែងចំណាប់ខ្មាំង របស់ក្រុមហាម៉ាស់ ថាជា "ការរំលោភទាំងស្រុងនៃបទឈប់បាញ់" ហើយបានអំពាវនាវឱ្យយោធាអ៊ីស្រាអែលរៀបចំសម្រាប់ "សេណារីយ៉ូដែលអាចកើតមាន" នៅក្នុងតំបន់ហ្គាហ្សា។

ទន្ទឹមនឹងនោះ ប្រធានាធិបតីអាមេរិកលោក Donald Trump បានជំរុញឱ្យអ៊ីស្រាអែលលុបចោលបទឈប់បាញ់ និង "ទុកឱ្យនរកទាំងអស់ផ្ទុះឡើង" ប្រសិនបើក្រុមហាម៉ាស់អនុវត្តការគំរាមកំហែងរបស់ខ្លួននោះ។

យោងតាមការបង្ហោះនៅបណ្ដាយសង្គម X នៅថ្ងៃច័ន្ទម្សិលមិញនេះ លោក អាប៊ូ អូបេដា (Abu Obeida) អ្នកនាំពាក្យនៃកងពលតូច ( កាសាម ) Qassam  របស់កងកម្លាំងប្រដាប់អាវុធរបស់ហាម៉ាស បាននិយាយថា ការប្រគល់ចំណាប់ខ្មាំង "ដែលគ្រោងនឹងដោះលែងនៅថ្ងៃសៅរ៍ក្រោយ... លោក​បាន​បន្ថែម​ថា​៖«យើង​បញ្ជាក់​ពី​ការ​ប្ដេជ្ញា​ចិត្ត​របស់​យើង​ចំពោះ​លក្ខខណ្ឌ​នៃ​កិច្ច​ព្រម​ព្រៀង​ ដរាប​ណា​ការ​កាន់កាប់​នេះ​បាន​សន្យា​ចំពោះ​ពួកគេនេះ​» »។

ទោះបីជាយ៉ាងណាក៏ដោយ នៅក្នុងសេចក្តីថ្លែងការណ៍មួយនេះ ក្រុមហាម៉ាសបាននិយាយថា នៅតែមានឱកាសសម្រាប់ការដោះលែងចំណាប់ខ្មាំង និងដំណើរការទៅមុខតាមការគ្រោងទុក​។ ក្រុមហាម៉ាស ថាការផ្លាស់ប្តូរនេះ " ជាការព្រមានមួយ និងការដាក់សម្ពាធ ដល់អ៊ីស្រាអែល ឲ្យ"គោរពយ៉ាងពេញលេញ" នៅលក្ខខណ្ឌនៃកិច្ចព្រមព្រៀងពីបទឈប់បាញ់។

ក្នុងសេចក្តីថ្លែងការណ៍នេះបានសរសេរទៀតថា" តាមរយៈការចេញសេចក្តីថ្លែងការណ៍នេះ រយៈពេលប្រាំថ្ងៃពេញ មុនការប្រគល់អ្នកទោសដែលបានគ្រោងទុក ហាម៉ាសមានគោលបំណងផ្តល់ពេលវេលាគ្រប់គ្រាន់ដល់អ្នកសម្រុះសម្រួល ដាក់សម្ពាធលើការកាន់កាប់ដើម្បីបំពេញកាតព្វកិច្ចរបស់ខ្លួន" ។ នេះចាត់​ទុក​ថា ការ​បើក​ទ្វារសម្រាប់​ការ​ដោះដូរ​

ដើម្បីអនុលោមតាមដំណើរការតាមការគ្រោងទុក ។ 

លោក អាប៊ូ អូបេដា ( Abu Obeida ) បានរៀបរាប់លម្អិតអំពីការរំលោភលើកិច្ចព្រមព្រៀងដោយអ៊ីស្រាអែលក្នុងរយៈពេល 3 សប្តាហ៍ចុងក្រោយនេះ រួមទាំង "ការពន្យារពេលការវិលត្រឡប់របស់ជនភៀសខ្លួនទៅកាន់ភាគខាងជើងតំបន់ហ្គាហ្សាស្ទ្រីប ដោយបានកំណត់គោលដៅពួកគេដោយការបាញ់ផ្លោង និងការបាញ់កាំភ្លើងនៅក្នុងតំបន់ផ្សេងៗ និងមិនអនុញ្ញាតឱ្យមានការចូល នៃការផ្គត់ផ្គង់ជំនួយតាមគ្រប់ទម្រង់របស់ពួកគេតាមអ្វីដែលបានព្រមព្រៀងគ្នា" ។ ក្រុមហាម៉ាស់ក៏បានចោទប្រកាន់អ៊ីស្រាអែលថាមិនអនុញ្ញាតឱ្យមានតង់ ផ្ទះដែលបានសាងសង់រួច ប្រេងឥន្ធនៈ ឬយន្តការរុះរើកម្ទេចថ្មនោះទេ ។  ហាម៉ាស​បាន​ចោទ​ប្រកាន់​អ៊ីស្រាអែល ​ក៏​កំពុង​ពន្យារ​ពេល​ការ​ចូល​ឱសថ​សំខាន់ៗ ក្នុងការផ្គត់ផ្គង់ក្នុង​មន្ទីរពេទ្យ។

អ្នកការទូតម្នាក់ដែលមានចំណេះដឹងអំពីកិច្ចចរចាបទឈប់បាញ់ បានអះអាងប្រាប់ CNN ថាអង្គការសហប្រជាជាតិ កាតា និងប្រទេសផ្សេងទៀតបានស្នើសុំផ្តល់ជម្រកបណ្តោះអាសន្នទៅកាន់តំបន់ហ្គាហ្សា ប៉ុន្តែអ៊ីស្រាអែលបានបដិសេធពួកគេ។ CNN បានទាក់ទងទៅមន្ត្រីអ៊ីស្រាអែល ទាក់ទងនឹងការអះអាងរបស់អ្នកការទូតខាងលើនេះ ។