ហ្គាហ្សា៖​ យោងតាមការចេញផ្សាយរបស់គេហទំព័រ Aljazeera នៅថ្ងៃទី១២ កុម្ភៈ ២០២៥នេះ បានឲ្យដឹងថា អង្គការសហប្រជាជាតិបានប៉ាន់ប្រមាណថវិការ ដើម្បីកសាងឡើងវិញនៅតំបន់ហ្គាស្សា និងបញ្ចប់ "មហន្តរាយមនុស្សធម៌"  ដែលបានកាន់កាប់ទឹកដី បំផ្លិចបំផ្លាញដោយសង្រ្គាមចំណាយខ្ទង់ប្រមាណ 53 ពាន់លានដុល្លារអាមេរិច ។ អង្គការសហប្រជាជាតិ ( UN ) បន្តថា ផលបូកនេះរួមមាន 20ពាន់លានដុល្លារ ក្នុងរយៈពេលបីឆ្នាំដំបូង។ 

លោក Antonio Guterres អគ្គលេខាធិការអង្គការសហប្រជាជាតិ បាននិយាយថា "ខណៈពេលដែលវាមិនអាចធ្វើទៅបានក្នុងបរិយាកាសបច្ចុប្បន្នដើម្បីវាយតម្លៃឱ្យបានពេញលេញនូវតម្រូវការសរុបដែលនឹងត្រូវបានទាមទារនៅក្នុងហ្គាហ្សា ការវាយតម្លៃបណ្តោះអាសន្ននេះ ផ្តល់នូវការចង្អុលបង្ហាញដំបូងអំពីទំហំដ៏ធំសម្បើមនៃតម្រូវការស្តារ និងកសាងឡើងវិញនៅក្នុងតំបន់ហ្គាហ្សាស្ទ្រីប"  ។