ពេលនេះ TikTok មានវត្តមានម្ដងទៀតហើយនៅលើ App Store របស់អាមេរិកក្នុងកម្មវិធី Apple និង Google បន្ទាប់ពីប្រធានាធិបតី Donald Trump បានពន្យារពេលអនុវត្តការហាមឃាត់នៃវេទិកាប្រព័ន្ធផ្សព្វផ្សាយសង្គមរបស់ចិនរហូតដល់ថ្ងៃទី ៥ ខែមេសា។

កម្មវិធីដ៏ពេញនិយមដែលត្រូវបានប្រើប្រាស់ដោយប្រជាជនអាមេរិកជាង 170 លាននាក់ត្រូវបានផ្អាកលែងឲ្យដំណើរការរយៈពេលខ្លី កាលពីខែមុននៅក្នុងសហរដ្ឋអាមេរិកខណៈដែលថ្ងៃផុតកំណត់នៃការហាមឃាត់បានខិតជិតមកដល់។ 

បន្ទាប់មកលោក Trump បានចុះហត្ថលេខាលើបទបញ្ជាប្រតិបត្តិដែលផ្តល់ឱ្យ TikTok ពន្យាពេល ៧៥ ថ្ងៃដើម្បីអនុវត្តតាមច្បាប់ហាមឃាត់កម្មវិធីប្រសិនបើកម្មវិធីនេះមិនត្រូវបានលក់។

គួរបញ្ជាក់ថា នៅពេលដែលកម្មវិធី TikTok ចាប់ផ្តើមដំណើរការម្តងទៀតនៅសហរដ្ឋអាមេរិកកាលពីខែមុន សារបានលេចឡើងត្រូវបានផ្ញើទៅកាន់អ្នកប្រើប្រាស់រាប់លាននាក់របស់ខ្លួន ដែលបានថ្លែងអំណរគុណដល់លោក Trump ។ 

ក្នុងនោះលោក Trump បាននិយាយថាគាត់ចង់ស្វែងរកការសម្របសម្រួល ជាមួយក្រុមហ៊ុនចិនដែលគោរពតាមស្មារតីជាជាងលិខិតច្បាប់ សូម្បីតែគំនិតនៃ TikTok ត្រូវបានគ្រប់គ្រងរួមគ្នាក៏ដោយ។ 

លោក ត្រាំ បានបន្តថាគាត់នឹងបើកចំហរក្នុងការលក់កម្មវិធីនេះទៅឱ្យសហស្ថាបនិក Oracle គឺលោក Larry Ellison ក៏ដូចជាមហាសេដ្ឋី Elon Musk ដែលដឹកនាំនាយកដ្ឋានប្រសិទ្ធភាពរដ្ឋាភិបាលរបស់រដ្ឋបាលលោក ។