លោក Sir Keir Starmer បាននិយាយថា លោកត្រៀមខ្លួនជាស្រេច និងមានឆន្ទៈក្នុងការដាក់កងទ័ពចក្រភពអង់គ្លេសនៅលើដីនៅអ៊ុយក្រែន ដើម្បីជួយធានាសន្តិសុខរបស់ខ្លួនជាផ្នែកនៃកិច្ចព្រមព្រៀងសន្តិភាព។

សរសេរនៅក្នុងកាសែត Daily Telegraph នាយករដ្ឋមន្ត្រីចក្រភពអង់គ្លេសបាននិយាយថា ការធានាសន្តិភាពយូរអង្វែងនៅអ៊ុយក្រែនគឺ "ចាំបាច់ប្រសិនបើយើងរារាំងលោកពូទីនពីការឈ្លានពានបន្ថែមទៀតនាពេលអនាគត" ។ 

នាយករដ្ឋមន្ត្រីបានបន្ថែមថា "ប៉ុន្តែតួនាទីណាមួយក្នុងការជួយធានាសន្តិសុខរបស់អ៊ុយក្រែន គឺជួយធានាសន្តិសុខនៃទ្វីបរបស់យើង និងសន្តិសុខរបស់ប្រទេសនេះ"។

កងទ័ពអង់គ្លេស អាចត្រូវបានដាក់ពង្រាយជាមួយទាហានមកពីប្រទេសអឺរ៉ុបផ្សេងទៀត តាមបណ្តោយព្រំដែនរវាងទឹកដីកាន់កាប់ដោយអ៊ុយក្រែន និងរុស្ស៊ី។

គួរបញ្ជាក់ថា លោក Sir Keir Starmer គ្រោងនឹងទៅជួបប្រធានាធិបតី Donald Trump នៅទីក្រុងវ៉ាស៊ីនតោននៅចុងខែនេះ បន្ថែមពីនេះលោកក៏បាននិយាយដែរថា "ការធានាសន្តិសុខរបស់សហរដ្ឋអាមេរិកគឺចាំបាច់សម្រាប់សន្តិភាពយូរអង្វែង ពីព្រោះមានតែសហរដ្ឋអាមេរិកប៉ុណ្ណោះដែលអាចរារាំងលោកពូទីនពីការវាយលុកម្តងទៀតបាន" ។

ហើយពេលនេះ លោក Sir Keir កំពុងជួបជាមួយមេដឹកនាំអឺរ៉ុបផ្សេងទៀត ដើម្បីឆ្លើយតបទៅនឹងការព្រួយបារម្ភដែលសហរដ្ឋអាមេរិកកំពុងឆ្ពោះទៅមុខ ជាមួយរុស្ស៊ីលើកិច្ចចរចាសន្តិភាពដែលនឹងត្រូវបិទទ្វីប។

សូមជម្រាបថាកាលពីថ្ងៃសៅរ៍ បេសកជនពិសេសរបស់សហរដ្ឋអាមេរិកប្រចាំនៅអ៊ុយក្រែនគឺ លោក Keith Kellogg បាននិយាយថា មេដឹកនាំអឺរ៉ុបនឹងត្រូវបានពិគ្រោះយោបល់តែប៉ុណ្ណោះ និងមិនចូលរួមក្នុងកិច្ចចរចាណាមួយរវាងសហរដ្ឋអាមេរិក និងរុស្ស៊ីនោះទេ។
 
ហើយកាលពីថ្ងៃអាទិត្យម្សិលមិញនេះ លោក Trump ក៏បាននិយាយដែរថា លោករំពឹងថា លោក Zelensky នឹងចូលរួមក្នុងកិច្ចចរចា។ លោកក៏បានបន្ថែមថា លោកនឹងអនុញ្ញាតឲ្យប្រទេសអឺរ៉ុបទិញសព្វាវុធរបស់អាមេរិកសម្រាប់អ៊ុយក្រែន។