យន្តហោះដែលហោះហើររវាងអូស្ត្រាលី និងនូវែលហ្សេឡង់ត្រូវបានបង្វែរទិសដៅ ខណៈដែលប្រទេសចិនធ្វើសមយុទ្ធយោធា ដែលត្រូវបានពិនិត្យយ៉ាងដិតដល់នៅក្នុងដែនទឹកក្បែរនោះ ដែលអាចពាក់ព័ន្ធនឹងការបាញ់ប្រហារ។

វត្តមានដ៏កម្រនៃនាវាកងទ័ពជើងទឹកចិនចំនួនបីនៅក្នុងសមុទ្រ Tasman បានធ្វើឱ្យប្រទេសទាំងពីរមានការប្រុងប្រយ័ត្នក្នុងប៉ុន្មានថ្ងៃថ្មីៗនេះ ដោយប្រទេសអូស្ត្រាលីបានហៅវាថា "មិនធម្មតា" ។

ដោយក្នុងនោះ ចិនបាននិយាយថា សមយុទ្ធដែលកំពុងធ្វើនៅក្នុងដែនទឹកអន្តរជាតិគឺស្របតាមច្បាប់អន្តរជាតិ។

ចំណែកឯអូស្ត្រាលី និងនូវែលសេឡង់ បាននឹងកំពុងតាមដានយ៉ាងដិតដល់នូវកងនាវាចិន ដែលជានាវាចម្បាំងនិងនាវាដឹកប្រេង ចាប់តាំងពីសប្តាហ៍មុននិងបានបញ្ជូនកប៉ាល់ផ្ទាល់ខ្លួនរបស់ពួកគេ ដើម្បីសង្កេតមើលនាវាទាំងនោះ។

កាលពីដើមសប្តាហ៍នេះ រដ្ឋមន្ត្រីការពារជាតិនូវែលហ្សេឡង់ លោក Judith Collins បាននិយាយថា ប្រទេសចិនមិនបានជូនដំណឹងដល់ពួកគេថា នឹងបញ្ជូននាវាចម្បាំងទៅកាន់តំបន់របស់ពួកគេ ដោយមិនបានកំណត់ដើម្បីណែនាំពួកគេអំពីអ្វីដែលពួកគេកំពុងធ្វើនៅក្នុងសមុទ្រ Tasman នោះទេ នេះបើយោងតាមសារព័ត៌មាន New Zealand Herald ។

ជាមួយគ្នានេះ រដ្ឋមន្ត្រីការពារជាតិអូស្ត្រាលី Richard Marles ក៏បានបាននិយាយដែរថា វត្តមានរបស់កប៉ាល់នេះគឺ "មិនធ្លាប់មានពីមុនមក ប៉ុន្តែវាជាព្រឹត្តិការណ៍មិនធម្មតា" ។

តែបើតាមក្រសួងការបរទេសចិនបានបញ្ជាក់កាលពីថ្ងៃសុក្រថា ពួកគេកំពុងធ្វើការហ្វឹកហ្វឺនកងទ័ពជើងទឹក និងសមយុទ្ធនៅក្នុង "ដែនទឹកឆ្ងាយ" ។
 
បើតាមនាយករដ្ឋមន្ត្រីអូស្រ្តាលីបាននិយាយទាក់ទងជាមួយនឹងសមយុទ្ធចិននេះថា "នេះគឺជាសកម្មភាពដែលបានកើតឡើងនៅក្នុងដែនទឹកដែលស្របតាមច្បាប់អន្តរជាតិ... វាមិនមានហានិភ័យនៃគ្រោះថ្នាក់ដល់ទ្រព្យសម្បត្តិរបស់អូស្ត្រាលី ឬទ្រព្យសម្បត្តិនូវែលសេឡង់ទេ" ។

សមយុទ្ធនេះធ្វើឡើងតែប៉ុន្មានថ្ងៃបន្ទាប់ពីអូស្ត្រាលី និងចិនបានបើកកិច្ចសន្ទនាផ្នែកការពារជាតិនៅទីក្រុងប៉េកាំង ដែលជាកន្លែងដែលពួកគេបានពិភាក្សាអំពីតម្លាភាពនិងការទំនាក់ទំនងយោធា ក្នុងចំណោមរឿងផ្សេងៗទៀត។