(វ៉ាស៊ីនតោន)៖ ក្រុមអ្នកប្រឆាំងលោកប្រធានាធិបតី Donald Trump និងមហាសេដ្ឋី Elon Musk គ្រោងនឹងប្រមូលផ្តុំគ្នានៅទូទាំងសហរដ្ឋអាមេរិកនៅថ្ងៃសៅរ៍នេះ ដើម្បីប្រឆាំងនឹងសកម្មភាពរបស់រដ្ឋបាលលើការទម្លាក់រដ្ឋាភិបាល សេដ្ឋកិច្ច សិទ្ធិមនុស្ស និងបញ្ហាផ្សេងៗទៀត។

មនុស្សច្រើនជាង 1,200 នាក់ គ្រោងនឹងធ្វើបាតុកម្មត្រូវដោយក្រុមជាង 150 រួមទាំងអង្គការសិទ្ធិស៊ីវិល សហជីពការងារ អ្នកតស៊ូមតិ LBGTQ+ អតីតយុទ្ធជន និងសកម្មជនការបោះឆ្នោតដោយយុត្តិធម៌។ 

ចំពោះការតវ៉ានេះត្រូវបានគេគ្រោងធ្វើនៅ National Mall ក្នុងទីក្រុង Washington, D.C. រដ្ឋធានីរដ្ឋ និងទីតាំងផ្សេងទៀតក្នុងរដ្ឋទាំង 50។

ពេលនេះក្រុមអ្នកតវ៉ាកំពុងវាយលុកចំណាត់ការរបស់រដ្ឋបាល Trump ក្នុងការបណ្តេញបុគ្គលិកសហព័ន្ធរាប់ពាន់នាក់ បិទការិយាល័យរដ្ឋបាលសន្តិសុខសង្គម បិទទីភ្នាក់ងារទាំងមូលប្រកបដោយប្រសិទ្ធភាព និរទេសជនអន្តោប្រវេសន៍ ពង្រីកការការពារអ្នកប្តូរភេទ និងកាត់បន្ថយការផ្តល់មូលនិធិសហព័ន្ធសម្រាប់កម្មវិធីសុខភាព។

Elon Musk ដែលជាទីប្រឹក្សាលោក Trump និងជាម្ចាស់ក្រុមហ៊ុន Tesla, SpaceX និងវេទិកាប្រព័ន្ធផ្សព្វផ្សាយសង្គម X បានដើរតួនាទីយ៉ាងសំខាន់ក្នុងការកាត់បន្ថយរដ្ឋាភិបាលក្នុងនាមជាប្រធាននាយកដ្ឋានប្រសិទ្ធភាពរដ្ឋាភិបាលដែលទើបបង្កើតថ្មីៗនេះ។

ចំពោះការប្រមូលផ្ដុំគ្នាដើម្បីប្រឆាំងនឹងលោក ត្រាំ មិនមែនជាលើកទីមួយនោះទេ ពោលគឺសកម្មជនបានធ្វើបាតុកម្មទូទាំងប្រទេសប្រឆាំងនឹង Trump ឬ Elon Musk ជាច្រើនដងមកហើយចាប់តាំងពីរដ្ឋបាលថ្មីឡើងកាន់អំណាមកម្ល៉េះ។ 

ប៉ុន្តែគ្រាន់តែចលនាប្រឆាំងនេះនៅមិនទាន់អាចបង្កើតចលនាមហាជនបានដូចជា ប្រព្រឹត្តិការណ៍ Women's March ក្នុងឆ្នាំ 2017 ដែលបាននាំស្ត្រីរាប់ពាន់នាក់ទៅកាន់ទីក្រុងវ៉ាស៊ីនតោនឌីស៊ី បន្ទាប់ពីពិធីសម្ពោធលើកដំបូងរបស់លោក Trump ឬបាតុកម្ម Black Lives Matter ដែលបានផ្ទុះឡើងនៅក្នុងទីក្រុងជាច្រើនបន្ទាប់ពីការសម្លាប់របស់លោក George Floyd ក្នុងឆ្នាំ 2020។

អ្នករៀបចំនិយាយថា ពួកគេសង្ឃឹមថា បាតុកម្មនៅថ្ងៃសៅរ៍នឹងមានទំហំធំបំផុត ចាប់តាំងពីលោក Trump ត្រឡប់ចូលកាន់តំណែងក្នុងខែមករា។