ហ្សាការតា៖ ទីផ្សារភាគហ៊ុនរបស់ប្រទេសឥណ្ឌូនេស៊ីបានធ្លាក់ចុះ 9% នៅក្នុងការជួញដូរដំបូងនាថ្ងៃអង្គារនេះ ដែលបង្កឱ្យមានការផ្អាកការជួញដូររយៈពេល 30 នាទី ហើយប្រាក់រូពីបានធ្លាក់ចុះ 1.8% ដល់កម្រិតទាបបំផុត ខណៈដែលទីផ្សារបានបើកឡើងវិញបន្ទាប់ពីការឈប់សម្រាកបន្ថែម និងប្រតិកម្មទៅនឹងភាពចលាចលទីផ្សារពិភពលោកដែលបណ្តាលមកពីពន្ធគយរបស់សហរដ្ឋអាមេរិក។

បើយោងតាមទិន្នន័យរបស់ LSEG បានបង្ហាញឲ្យដឹងថា សន្ទស្សន៍សំខាន់ (.JKSE) ដែលបើកផ្ទាំងថ្មីបានធ្លាក់ចុះ 9.2% ដល់កម្រិតទាបបំផុតចាប់តាំងពីខែមិថុនា ឆ្នាំ 2021 មកម្ល៉េះ ក្នុងកិច្ចព្រមព្រៀងដំបូង ខណៈដែលប្រាក់រូពីបានធ្លាក់ចុះមកសល់ត្រឹម 16,850 ក្នុងមួយដុល្លារប៉ុណ្ណោះ ដោយកំពុងតែឆ្លងកាត់វិបត្តិហិរញ្ញវត្ថុអាស៊ីដល់កម្រិតទាបបំផុតក្នុងកំណត់ត្រារបស់ខ្លួន។ 

ចំពោះការធ្លាក់ចុះ 8% នៃទីផ្សារភាគហ៊ុននេះនឹងបង្កឱ្យមានការផ្អាករយៈពេល 30 នាទីក្នុងការជួញដូរ ប្រសិនបើទីផ្សារបានពង្រីកការខាតបង់ដល់ 15% នោះវានឹងមានការផ្អាករយៈពេល 30 នាទីទៀតក្នុងការជួញដូរបន្ថែម។ 

ហើយក្នុងន័យនេះ ផ្សារហ៊ុនក៏បាននិយាយផងដែរថា ប្រសិនបើភាគហ៊ុនបុគ្គលធ្លាក់ចុះ 15% ការបញ្ជាទិញលក់ក្រោមតម្លៃនោះនឹងត្រូវបដិសេធដោយស្វ័យប្រវត្តិ។

ចំណែកឯលោក Jeffrey Hendrik នាយកប្រតិបត្តិ IDX បាននិយាយថា ច្បាប់នៃការជួញដូរអាចត្រូវបានកែតម្រូវឡើងវិញនៅពេលដែលលក្ខខណ្ឌត្រឡប់ទៅធម្មតាវិញ។

គួរបញ្ជាក់ថា ទីផ្សារឥណ្ឌូនេស៊ីបានបើកឡើងវិញនៅថ្ងៃអង្គារនេះជាលើកដំបូង ចាប់តាំងពីការបិទនៅថ្ងៃទី 27 ខែមីនា កន្លងទៅ ហើយការបើកដំណើរការឡើងវិញនៃទីផ្សារឥណ្ឌូនេស៊ីនេះ កំពុងតែតាមទាន់ការផ្លាស់ប្តូរទីផ្សារពិភពលោកដ៏ធំបន្ទាប់ពីការប្រកាសពន្ធរបស់សហរដ្ឋអាមេរិកកាលពីសប្តាហ៍មុន ដែលរួមបញ្ចូលផែនការសម្រាប់ពន្ធ 32% លើផលិតផលឥណ្ឌូនេស៊ី។