ថៃ៖ នៅវេលាម៉ោង៨និង៣០នាទីព្រឹក ថ្ងៃទី១៤ ខែតុលា ឆ្នាំ២០២៥ នៅវិមានរដ្ឋសភា លោក Natthaphong Ruangpanyawut សមាជិកសភាក្នុងបញ្ជីបក្ស និងជាប្រធានគណបក្ស Prachachon បានផ្តល់បទសម្ភាសន៍ទាក់ទងនឹងករណី លោក Kan Jom Phalang ដែលបានប្រើប្រព័ន្ធសំឡេងក្នុងការចាក់សំឡេងខ្មោច និងយន្តហោះចម្បាំងរបស់ប្រទេសថៃ។ លោកបញ្ជាក់ថា លោកជឿជាក់ថា ពលរដ្ឋថៃទាំងអស់នឹងចង់ជួយដោះស្រាយបញ្ហាព្រំដែនកម្ពុជា-ថៃ។

ទាក់ទិននឹងមតិយោបល់ថា តើការចាក់សំឡេងរំខានបែបនេះដល់ពលរដ្ឋកម្ពុជាសមស្របឬអត់? លោក Natthaphong លើកឡើងថា វាជាទំនួលខុសត្រូវរបស់រដ្ឋាភិបាល និងនាយករដ្ឋមន្ត្រីថៃផ្ទាល់ ក្នុងការស្វែងរកដំណោះស្រាយ ដើម្បីជួយប្រជាជនថៃឱ្យទទួលបានផលប្រយោជន៍ពីកម្ពុជា។

សមាជិកសភាខាងលើ បន្ថែមថា ថៃកាន់តែខ្លាំងមិនមែនមានន័យថា ថៃនឹងធ្លាក់ចុះលើឆាកអន្តរជាតិនោះទេ។ លោក Natthaphong លើកឡើងថា តំបន់ព្រំដែនកម្ពុជា-ថៃ ជាតំបន់ស្ថិតក្រោមច្បាប់អាជ្ញាសឹក។

នៅពេលសួរថា តើការបញ្ចេញវីដេអូឃ្លីបសំឡេងខ្មោចលើពលរដ្ឋកម្ពុជានឹងធ្វើឲ្យប៉ះពាល់លើឆាកអន្តរជាតិ ឬបំពានច្បាប់អន្តរជាតិដែរឬទេ? 

លោក Natthaphong បញ្ជាក់ថា វាអាស្រ័យលើការគ្រប់គ្រងរបស់នាយករដ្ឋមន្ត្រី និងរដ្ឋាភិបាលថៃ ហើយសំណួរនេះនាយករដ្ឋមន្ត្រី និងរដ្ឋមន្ត្រីក្រសួងការបរទេសត្រូវឆ្លើយឲ្យច្បាស់៕