តាមរបាយការណ៍ថ្មីមួយបានកំណត់អត្តសញ្ញាណប្រទេស ដែលមានទំនាក់ទំនងខ្លាំងបំផុតចំពោះការច្នៃប្រឌិត សេវាកម្មអនឡាញ និងរបៀបរស់នៅឆ្ពោះទៅមុខតាមឌីជីថល កំពុងទាក់ទាញជនបរទេសមកពីជុំវិញពិភពលោក។

ការតភ្ជាប់ទាំងនេះបានបង្កើតវប្បធម៌ជុំវិញពិភពលោក ហើយនៅកន្លែងជាច្រើន ជីវិតឌីជីថលបានក្លាយទៅជាមិនអាចបំបែកបានពីការរស់នៅប្រចាំថ្ងៃ។ 

អ៊ិនធឺណេតដែលមានល្បឿនលឿន បានបង្កើននូវភាពងាយស្រួលតាមទូរស័ព្ទ និងការទូទាត់ដោយគ្មានសាច់ប្រាក់ កាន់តែជំរុញសេដ្ឋកិច្ចពិភពលោក ហើយប្រទេសមួយចំនួនកំពុងពឹងផ្អែកលើអនាគតឌីជីថលនេះយ៉ាងខ្លាំង ជាមួយនឹងសេវាកម្មអនឡាញ និងភាពងាយស្រួលកាន់តែប្រសើរឡើង។

ដើម្បីស្វែងយល់ថាតើប្រទេសណា ដែលមានចំណាត់ថ្នាក់ខ្ពស់ជាងគេនៅពេលនិយាយអំពីការតភ្ជាប់ជំនាន់ក្រោយ បណ្តាញសហគមន៍ពិភពលោក InterNations ថ្មីៗនេះបានចេញផ្សាយរបាយការណ៍ស្តីពី Digital Life Abroad ចំណាត់ថ្នាក់ប្រទេសសម្រាប់ជនបរទេសដោយផ្អែកលើភាពអាចរកបាននៃសេវាកម្មអនឡាញរបស់រដ្ឋាភិបាល ភាពងាយស្រួលនៃការទទួលបានលេខទូរស័ព្ទក្នុងស្រុក។ 

លទ្ធភាពទទួលបានអ៊ីនធឺណេតល្បឿនលឿននៅផ្ទះ ការទូទាត់ដោយគ្មានសាច់ប្រាក់ និងការបើកអ៊ីនធឺណេតផងដែរ។ ឥឡូវនេះមកស្វែងយល់ពាក់ព័ន្ធជាមួយនឹងប្រទេសដែលត្រូវបានគេចាត់ទុកថា ជាប្រទេសដែលជាប់ចំណាត់ថ្នាក់ខ្ពស់បំផុតក្នុងប្រភេទនីមួយៗក្នុងចំណោម ៥ ប្រទេសជាច្រើនដើម្បីស្វែងយល់ថាតើប្រទេសទាំងនោះ មានលក្ខណៈបែបណាខ្លះ?

១. អេស្តូនី
អេស្តូនី ជាប្រទេសដែលជាប់ចំណាត់ថ្នាក់ទី 1 នៅក្នុងការស្ទង់មតិរបស់ InterNations (ជាមួយនឹងចំណាត់ថ្នាក់កំពូលនៅក្នុងការចូលប្រើអ៊ីនធឺណេតគ្មានដែនកំណត់ និងសេវាកម្មរដ្ឋាភិបាលតាមអ៊ីនធឺណិត) អេស្តូនីបានវិនិយោគយ៉ាងច្រើននៅក្នុងហេដ្ឋារចនាសម្ព័ន្ធឌីជីថលរបស់ខ្លួនចាប់តាំងពីប្រទេសនេះ បានទាមទារឯករាជ្យពីសហភាពសូវៀតក្នុងឆ្នាំ 1991 ម្ល៉េះ។ 

កម្មវិធី e-Estonia ដែលឧបត្ថម្ភដោយរដ្ឋាភិបាលបានណែនាំ ការបោះឆ្នោតតាមប្រព័ន្ធអេឡិចត្រូនិក សុខភាពអេឡិចត្រូនិក និងកម្មវិធីធនាគារអេឡិចត្រូនិក និងសូម្បីតែការស្នាក់នៅតាមប្រព័ន្ធអេឡិចត្រូនិក ដែលអនុញ្ញាតឱ្យសូម្បីតែអ្នកមិនមែនជាពលរដ្ឋដាក់ពាក្យ សម្រាប់ការស្នាក់នៅនិម្មិតដែលអនុញ្ញាតឱ្យពួកគេទទួលបានអត្ថប្រយោជន៍ដូចជាអត្តសញ្ញាណប័ណ្ណ សេវាធនាគារ ដំណើរការទូទាត់ និងលទ្ធភាពបង្កើតក្រុមហ៊ុន។ 

កម្មវិធីនេះគឺធ្វើឡើងដើម្បីទាក់ទាញអ្នកតំណាងឌីជីថល និងអ្នកជំនួញបរទេសដែលចង់ចាប់ផ្តើមក្រុមហ៊ុនដែលមានមូលដ្ឋាននៅសហភាពអឺរ៉ុប ដែលជាការនាំមកនូវឱកាសថ្មីសម្រាប់សេដ្ឋកិច្ចអេស្តូនីផងដែរ។ 

ទោះជាយ៉ាងណាក៏ដោយ មុននឹងរីកចម្រើនខាងបច្ចេកវិទ្យាដូចជាពេលនេះ ពីមុនអេស្តូនីគឺជាប្រទេសដែលមានអធិបតេយ្យភាពដំបូងគេដែលត្រូវបានវាយប្រហារតាមរយៈសង្គ្រាមអ៊ីនធឺណិតក្នុងឆ្នាំ 2007។ ចំពោះការវាយប្រហារនេះបានបិទគេហទំព័រ និងបានធ្វើឱ្យខូចហេដ្ឋារចនាសម្ព័ន្ធអ៊ីនធឺណេតទាំងមូលរបស់ប្រទេសនេះផងដែរ។

ជាលទ្ធផលនៃការវាយប្រហារ ណាតូបានបង្កើតសៀវភៅណែនាំមួយដើម្បីដោះស្រាយសង្គ្រាមតាមអ៊ីនធឺណេតអន្តរជាតិ ហើយមជ្ឈមណ្ឌលឧត្តមភាពការពារអ៊ីនធឺណេត សហករណ៍ណាតូត្រូវបានស្នើឡើងដោយអេស្តូនី ដើម្បីការពារ និងដោះស្រាយការវាយប្រហារនាពេលអនាគត។

២. ហ្វាំងឡង់
ជាមួយនឹងពិន្ទុខ្ពស់ជាប់លាប់ក្នុង 4 ប្រភេទ និងក្នុងចំណោម 5 ប្រភេទ ហ្វាំងឡង់ជាប់ចំណាត់ថ្នាក់លេខ 2 ក្នុងជីវិតឌីជីថល និងជាប្រទេសទី 1 ក្នុងការទូទាត់ដោយគ្មានសាច់ប្រាក់។ 

តួនាទីរបស់អ៊ីធឺណេតនៅប្រទេសនេះ ត្រូវបានគេចាត់ទុកថាមានសារៈសំខាន់ខ្លាំងណាស់ ដែលនៅក្នុងឆ្នាំ 2010 រដ្ឋាភិបាលបានធ្វើឱ្យវាក្លាយជាសិទ្ធិស្របច្បាប់សម្រាប់ប្រជាពលរដ្ឋគ្រប់រូបក្នុងការទទួលបានការតភ្ជាប់អ៊ីនធឺណេត ដែលជាប្រទេសដំបូងគេក្នុងពិភពលោកដែលធ្វើដូច្នេះ។ 

ការចូលប្រើអ៊ីនធឺណេតល្បឿនលឿន រួមបញ្ចូលគ្នាជាមួយនឹងសេរីភាពនៃការនិយាយធ្វើឱ្យប្រព័ន្ធអេកូឡូស៊ីរបស់ហ្វាំងឡង់ កាន់តែមាននិរន្តរភាព និងសុវត្ថិភាពជាងមុន។

ហើយអ្នករាល់គ្នាមានសិទ្ធិទទួលបានព័ត៌មាន ហើយវាផ្តល់ឱកាសស្មើគ្នាក្នុងការរៀនសូត្រ និងឥទ្ធិពលទៅលើអនាគតប្រទេសជាតិផងដែរ។ 

ភាពងាយស្រួលនៃការចូលប្រើអ៊ីនធឺណេតលើសេវារដ្ឋាភិបាល និងការបកប្រែដោយស្វ័យប្រវត្តិសម្រាប់សេវាកម្មជាច្រើន គឺមានប្រយោជន៍ជាពិសេសចំពោះជនបរទេសថ្មី។ 

ម្យ៉ាងទៀត ហេដ្ឋារចនាសម្ព័ន្ធឌីជីថលនៅប្រទេសនេះដើរទន្ទឹមគ្នាជាមួយនឹងការសង្កត់ធ្ងន់របស់ប្រទេសលើការអប់រំ និងសហគមន៍ ដែលបណ្តាលឱ្យមានការវិនិយោគនៅកន្លែងជាក់ស្តែងដែលមនុស្សអាចភ្ជាប់ទំនាក់ទំនងបាន។ 

៣. អ៊ីស្រាអែល
អ៊ីស្រាអែល ជាប្រទេសដែលជាប់ចំណាត់ថ្នាក់លេខ 3 សម្រាប់ទាំងការចូលប្រើអ៊ីនធឺណេតដែលមិនមានការរឹតបន្តឹង និងភាពងាយស្រួលនៃការទទួលបានលេខទូរស័ព្ទក្នុងស្រុក អ៊ីស្រាអែលដែលមានមជ្ឈមណ្ឌលបច្ចេកវិទ្យាដ៏រឹងមាំ និងប្រកបដោយភាពច្នៃប្រឌិត។ 

អ្វីដែលរឹតតែពិសេសនោះ អ៊ីនធឺណេតនៅអ៊ីស្រាអែលគឺពិតជាមានល្បឿនលឿន ថោក និងអាចទុកចិត្តបាន ដែលជួយដល់សហគ្រិន និងអ្នកបង្កើតឌីជីថលថែមទៀតផង។ 

ជាធម្មតា ហាងកាហ្វេជាច្រើនបានផ្តល់ WiFi សាធារណៈដោយឥតគិតថ្លៃ បូករួមទាំង ISP ហើយក្នុងប្រទេសអ៊ីស្រាអែលក៏បានផ្តល់ WiFi ជាសាធារណៈនៅក្នុងតំបន់ទីក្រុងជាច្រើនសម្រាប់អតិថិជនរបស់ពួកគេក្នុងការប្រើប្រាស់ដោយឥតគិតថ្លៃផងដែរ។

៤. ប្រទេសកាណាដា
កាណាដា ជាប្រទេសដែលជាប់ចំណាត់ថ្នាក់ទីប្រាំពីរនៅក្នុងជីវិតឌីជីថល ជារួមប្រទេសកាណាដាទទួលបានពិន្ទុយ៉ាងខ្ជាប់ខ្ជួនលើប្រភេទភាគច្រើន ជាពិសេសភាពអាចរកបាននៃសេវាកម្មរដ្ឋាភិបាលតាមអ៊ីនធឺណេត និងការបង់ប្រាក់ដោយគ្មានសាច់ប្រាក់។ 

ជីវិតឌីជីថលមាននិន្នាការកាន់តែងាយស្រួលនៅក្នុងទីក្រុងធំៗ ដែលការទទួលយកបច្ចេកវិទ្យាកាន់តែលឿន ហើយសេវាអ៊ីនធឺណេតកាន់តែលឿន និងអាចចូលប្រើប្រាស់បានកាន់តែច្រើនទៀតផង។ 

ទោះជាយ៉ាងណាក៏ដោយ កាណាដាតែងតែជាប់ចំណាត់ថ្នាក់កំពូលនៃបញ្ជីមួយចំនួនសម្រាប់ការចូលប្រើអ៊ីនធឺណេតថ្លៃបំផុត ខណៈពេលដែលមានអ៊ីនធឺណេត ល្បឿនលឿន យឺតបំផុតមួយចំនួនក៏ដោយ ។ 

ប៉ុន្តែជារួម ភាពអាចរកបានរបស់កាណាដានៃសេវាកម្មរដ្ឋាភិបាលតាមអ៊ីនធឺណេត និងការចូលប្រើប្រាស់សេវាកម្មអនឡាញដែលមិនមានការរឹតត្បិត ផ្តល់ភាពងាយស្រួលទៅដល់សហគ្រិនដែលធ្វើឱ្យពួកគេកាន់តែងាយស្រួលក្នុងការចាប់ផ្តើម និងគ្រប់គ្រងអាជីវកម្មពីគ្រប់ទីកន្លែងបានយ៉ាងមានប្រសិទ្ធភាពផងដែរ។ 

៥. កូរ៉េខាងត្បូង
កូរ៉េខាងត្បូង ជាប្រទេសដែលជាប់ចំណាត់ថ្នាក់លេខ ២៧ សម្រាប់ការប្រើប្រាស់អ៊ីនធឺណេតល្បឿនលឿនក្នុងចំណោមប្រទេសជាច្រើនផ្សេងទៀត។ 

ជីវិតប្រចាំថ្ងៃក្នុងប្រទេសកូរ៉េខាងត្បូងមានដំណើរការលឿនណាស់។
 
ចាប់តាំងពីការទិញអាហារ និងការដឹកជញ្ជូនដល់ការបង់ប្រាក់គឺអាចធ្វើបានក្នុងរយៈពេលជិត ៥ វិនាទីប៉ុណ្ណោះសម្រាប់ការប្រើអ៊ីនធឺណេតក្នុងការទូទាត់។ 

ទោះបីជាជាប់ចំណាត់ថ្នាក់ខ្ពស់ជាពិសេសសម្រាប់ល្បឿនអ៊ីនធឺណេតនៅផ្ទះក៏ដោយ ក៏ប្រទេសនេះមានល្បឿនអ៊ីនធឺណេតខ្ពស់បំផុតនៅលើពិភពលោកផងដែរ ដែលមានន័យថាអ្នកអាចមានជម្រើសកម្សាន្តពីហ្គេមរហូតដល់ការផ្សាយវីដេអូដែលអាចចូលប្រើបានគ្រប់ទីកន្លែងផងដែរ៕