អាមេរិក៖ យោងតាមការចេញផ្សាយពីគេហទំព័រ BBC News កាលពីថ្ងៃទី ៣០ ខែ មករា ឆ្នាំ ២០២៥ ម្សិលមិញនេះថា ប្រធានាធិបតីអាមេរិកលោក Donald Trump បានចុះហត្ថលេខាលើដំណោះស្រាយផ្លូវច្បាប់ទៅលើម្ចាស់ក្រុមហ៊ុន Facebook (Meta) និង Instagram ដោយតម្រូវឲ្យបង់ប្រាក់ប្រហែល 25 លានដុល្លារ (20 លានដុល្លារ) ។ 

មូលហេតុគឺបណ្ដាលមកពីលោក Trump បានប្តឹងក្រុមហ៊ុនប្រព័ន្ធផ្សព្វផ្សាយសង្គមយក្ស និងនាយកប្រតិបត្តិរបស់ខ្លួនគឺលោក Mark Zuckerberg ក្នុងឆ្នាំ 2021 ជុំវិញការព្យួរគណនីរបស់គាត់បន្ទាប់ពីការកើតមាននូវកុប្បកម្មកាលពីថ្ងៃទី ៦ ខែ មករា មកម្ល៉េះ។

ប៉ុន្តែនៅខែកក្កដាឆ្នាំ 2024 Meta បានធ្វើការដកការរឹតបន្តឹងចុងក្រោយទៅលើគណនី Facebook និង Instagram របស់លោក Trump ក្នុងការឈានទៅរកការបោះឆ្នោតប្រធានាធិបតីអាមេរិក។ 

គួរបញ្ជាក់ថា ក្រុមហ៊ុន Facebook បានផ្អាកគណនីរបស់លោក Trump ក្នុងឆ្នាំ 2021 ហើយបាននិយាយថា ខ្លួននឹងហាមឃាត់លោក ត្រាំ ពីវេទិកាយ៉ាងហោចណាស់ពីរឆ្នាំ។

ដោយក្នុងនោះគេមើលឃើញថា អស់រយៈពេលជាច្រើនឆ្នាំមក លោក Trump ក៏ធ្លាប់បានធ្វើការរិះគន់យ៉ាងខ្លាំងទៅលើលោក Zuckerberg និង Facebook ផងដែរដោយហៅវេទិកានេះថា "ប្រឆាំងនឹងលោក" ក្នុងឆ្នាំ 2017 ។ 

បន្ទាប់ពីកើតមាននូវបញ្ហានេះមក គេមើលឃើញថាទំនាក់ទំនងរវាងម្ចាស់ក្រុមហ៊ុន  Facebook (Meta) ហាក់ដូចជាមានការមិនចុះសម្រុងជាមួយនឹងលោក ត្រាំ ប៉ុន្មាននោះទេ។ 

ក្នុងនោះផងដែរ Twitter ដែលឥឡូវនេះត្រូវបានគេដាក់ឈ្មោះថា X និងជាកម្មសិទ្ធិរបស់សម្ព័ន្ធមិត្ត Trump គឺលោក Elon Musk ក៏បាន "ផ្អាក" ជាអចិន្ត្រៃយ៍ចំពោះប្រធានាធិបតីអាមេរិករូបនេះពីវេទិការបស់ខ្លួនផងដែរ។ 

តែបន្ទាប់ពីទិញក្រុមហ៊ុននេះក្នុងតម្លៃ 44 ពាន់លានដុល្លារ លោក Musk ក៏បានបញ្ចូលគណនីរបស់លោក Trump ឡើងវិញនៅឆ្នាំ 2022 បន្ទាប់ពីការស្ទង់មតិដែលគាត់បានដំណើរការនៅលើគេហទំព័រនេះបានគាំទ្រដល់ការផ្លាស់ប្តូរនេះ។

ប៉ុន្តែថ្មីៗនេះ កាលពីថ្ងៃពុធ Meta បានការពារការវិនិយោគចំនួន 65 ពាន់លានដុល្លាររបស់ខ្លួននៅក្នុងវិស័យបញ្ញាសិប្បនិមិត្ត (AI) បន្ទាប់ពីភាគហ៊ុនបច្ចេកវិទ្យាត្រូវបានរញ្ជួយបន្ទាប់ពីកម្មវិធី AI របស់ចិន DeepSeek បានកើនឡើងភ្លាមៗ។
 
សូមជម្រាបឲ្យដឹងថា ភាគហ៊ុនបច្ចេកវិទ្យាអាមេរិកជាច្រើនបានធ្លាក់ចុះក្នុងសប្តាហ៍នេះ បន្ទាប់ពី DeepSeek ដែលត្រូវបានបង្កើតដោយចិនមានការកើនឡើងយ៉ាងខ្លាំងនៅក្នុងប្រជាប្រិយភាពរបស់ខ្លួន បើទោះបីជា Meta បានរារាំងនិន្នាការនេះពីការកើនឡើងយ៉ាងណាក៏ដោយ។

លោក Zuckerberg បាននិយាយនៅក្នុងការអំពាវនាវទៅកាន់វិនិយោគិនបន្ទាប់ពីលទ្ធផលកាលពីថ្ងៃពុធថាការកើនឡើងរបស់ក្រុមហ៊ុន DeepSeek បានពង្រឹងការជឿជាក់របស់លោកក្នុងការទទួលយករបស់ក្រុមហ៊ុនរបស់លោកចំពោះ "ប្រភពបើកចំហ" AI។ 

ហើយក្នុងនោះ Meta ដែលជាក្រុមហ៊ុនមេរបស់ Facebook, Instagram និង WhatsApp ក៏បានយកគំរូផ្សេងពីក្រុមហ៊ុនអាមេរិកជាច្រើនផងដែរដោយបានបញ្ចេញគំរូ AI បើកចំហដោយឥតគិតថ្លៃទៀតផង។ 

ដូច្នេះហើយបានជា Meta កាលពីសប្តាហ៍មុនបានប្រកាសថាខ្លួនគ្រោងនឹងចំណាយប្រាក់រហូតដល់ទៅ 65 ពាន់លានដុល្លារក្នុងឆ្នាំនេះ ដើម្បីពង្រីកហេដ្ឋារចនាសម្ព័ន្ធ AI របស់ខ្លួន។