ភ្នំពេញ៖ ពិតជាជីវិតថ្លៃមែន! បុរសម្នាក់បើកបររថយន្តស៊េរីទំនើប ០១គ្រឿង ម៉ាក Ford Everest ស្លាកលេខហុងស៊ុយ 2BT- 8168 ក្នុងល្បឿនលឿនក្រោមឥទ្ធិពលគ្រឿងស្រវឹងបានជ្រុលចង្កូតទៅបុកទម្លុះចូលទៅក្នុងផ្ទះពលរដ្ឋ បណ្តាលឲ្យរងការខូចខាតទ្វារ និងសម្ភារៈជាច្រើន ប៉ុន្តែសំណាងល្អដែកទ្វាបានទម្លុះកញ្ចក់រថយន្តពីមុខធ្លាយដល់ក្រោយមិនមានគ្រោះថ្នាក់ជីវិត។

ករណីរថយន្តស៊េរីទំនើបបុកទម្លុះផ្ទះប្រជាពលរដ្ឋនេះ កើតឡើងនៅវេលាម៉ោង ៨និង៣០នាទីយប់ថ្ងៃទី$៣ ខែធ្នូ ឆ្នាំ២០២៣ ស្ថិតនៅតាមបណ្តោយផ្លូវ២០៥ សង្កាត់ទួលស្វាយព្រៃទី២ ខណ្ឌបឹងកេងកង រាជធានីភ្នំពេញ។

សាក្សីឃើញហេតុការណ៍ បានឲ្យដឹងថា រថយន្តស៊េរីទំនើប ម៉ាក Ford Evrest ពណ៌ខ្មៅ ពាក់ស្លាកលេខ ភ្នំពេញ 2BT- 8168 អ្នកបើកបរមិនស្គាល់អត្តសញ្ញាណ តាមបណ្តោយផ្លូវ ២០៥ ក្នុងទិសដៅពីលិចមកកើតក្នុងល្បឿនយ៉ាងលឿន ពេលមកដល់ចំណុចកើតហេតុស្រាប់តែបួងចង្កូតបុកទម្លុះចូលផ្ទះពលរដ្ឋ បណ្តាលឲ្យខូចខាតទ្វារមួយចំនួន និងបាក់ជញ្ជាំងនៅខាងមុខជាច្រើនផ្ទាំង អ្នកបើកបានចុះរត់គេចខ្លូនបាត់ស្រមោល។

ក្រោយពេលកើតហេតុ នគរប៉ុស្តិ៍នគរបាលរដ្ឋបាលសង្កាត់ទួលស្វាយព្រៃទី២ បានចុះទៅដល់ពិនិត្យជុំវិញទីតាំងកើតហេតុ និងបានប្រគល់ឲ្យមន្ត្រីជំនាញចរាចរណ៍រាជធានីភ្នំពេញ ចុះមកវាស់វែង និងធ្វើកំណត់ហេតុស្ទូចយករថយន្តបង្កទៅរក្សាទុកនៅខាងការិយាល័យចរាចរណ៍ជំនាញផ្លូវគោក នៃស្នងការដ្ឋាននគរបាលរាជធានីភ្នំពេញ ដោយរង់ចាំឲ្យភាគីម្ចាស់រថយន្តបង្ក ចូលខ្លួនធ្វើការដោះស្រាយជាមួយខាងម្ចាស់ផ្ទះ៕