ក្នុងលិខិតរបស់ ACU បានបញ្ជាក់ថា៖ «បានបញ្ជូនទៅសាលាដំបូងខេត្តកណ្តាល តាមបណ្តឹងរបស់ កងរាជអាវុធហត្ថ ករណីវរនីយ៍ឯក ង៉ែត ចាន់ធី មេបញ្ជាការរង កងរាជអាវុធហត្ថខេត្តតាកែវ និងនាយចំណង់ ស៊ិន សុវណ្ណារិទ្ធ ជំនួយការមេបញ្ជាការរង កងរាជអាវុធហត្ថខេត្តតាកែវ ទទួលសំណូកក្នុងរយៈពេលជាង២ឆ្នាំ ពីអ្នកលក់គ្រឿងញៀន និងមាន ០១ ករណីទៀត ទទួលសំណូកពីអ្នកបើកវង់ល្បែងជល់មាន់ ដើម្បីមិនចាប់ពួកលក់ថ្នាំញៀន ពេលសមត្ថកិច្ចផ្សេងទៀតចុះចាប់អ្នកលក់គ្រឿងញៀន ខ្លួនលួចផ្តល់ដំណឹងឱ្យអ្នកលក់គ្រឿងញៀនគេចខ្លួន និងបទល្មើស ០១ ផ្សេងទៀត ប្រើប្រាស់រថយន្តមិនបង់ពន្ធ ហើយពាក់ផ្លាកលេខរថយន្តក្លែងក្លាយ។
សូមរំឭកថា នាយទាហាននៃកងរាជអាវុធហត្ថខេត្តតាកែវ ចំនួន ០៣ នាក់ រួមមាន៖ ទី១- លោកវរសេនីយ៍ឯក ង៉ែត ចាន់ធី មេបញ្ជាការរង កងរាជអាវុធហត្ថខេត្តតាកែវ, ២- លោកអនុសេនីយ៍ទោ លុយ សារ៉ុម នាយសេនាធិការអាវុធហត្ថស្រុកត្រាំងកក់ និង ទី៣- លោកអនុសេនីយ៍ត្រី ស៊ិន សុវណ្ណារិទ្ធ ជំនួយការការិយាល័យគ្រឿងញៀន នៃបញ្ជាការដ្ឋានកងរាជអាវុធខេត្តតាកែវ ត្រូវបានមន្ត្រីនគរបាលយុត្តិធម៌ នៃកងរាជអាវុធហត្ថលើផ្ទៃប្រទេស ឃាត់ខ្លួន កាលពីថ្ងៃទី០១ ខែមករា ឆ្នាំ២០២៥ កន្លងទៅ ដើម្បីសាកសួរ និងស៊ើបអង្កេតសង្ស័យមានការពាក់ព័ន្ធបទល្មើសស៊ីសំណូក មិនបង្ក្រាបគ្រឿងញៀន ល្បែងស៊ីសង និងធ្វើឱ្យបែកការសម្ងាត់ក្នុងការស៊ើបអង្កេត ក្នុងអំឡុងពេលកាន់មុខតំណែង
ដោយឡែក សំណុំរឿងវរសេនីយ៍ទោ សុខ សង្ហា នាយការិយាល័យប្រឆាំងបទល្មើសគ្រឿងញៀន នៃស្នងការនគរបាលខេត្តតាកែវ ACU ក៏បានបញ្ជូនទៅសាលាដំបូងខេត្តតាកែវ ពាក់ព័ន្ធបទល្មើសទទួលសំណូកពីអ្នកជួញដូរគ្រឿងញៀន រយៈពេលៈ៤ឆ្នាំ ជាថ្នូរនឹងការមិនចាប់ការលក់ដូរគ្រឿងញៀន មិនចាប់អ្នកលក់គ្រឿងញៀន ដែលមានដីកាចាប់ខ្លួនពីតុលាការ កែសំណុំរឿងជួញដូរគ្រឿងញៀនពីធ្ងន់មកស្រាល ពីអ្នកជួញដូរគ្រឿងញៀនមកជាអ្នកប្រើប្រាស់គ្រឿងញៀន ពេលអនុវត្តច្បាប់តាមគោលដៅចរាចរណ៍ បើរកឃើញអ្នកមានផ្ទុកសារធាតុញៀនក្នុងទឹកនោមបែរជាទារលុយ។
ក្រៅពីបទស៊ីសំណូកវរសេនីយ៍ទោ សុខ សង្ហា ក៏មានបទល្មើសរំលោភអំណាច បំបាត់ចោលវត្ថុតាង (គ្រឿងញៀន) មិនគោរពនីតិវិធីច្បាប់ គ្មានការសុំការអនុញាត្តពីស្ថាប័នអយ្យការ ហើយប្រព្រឹត្តិបំពានក្នុងការកសាងកូនខ្លា (កម្លាំងសម្ងាត់/ភ្នាក់ងារផ្តល់ព័ត៌មាន) ...៕
រដ្ឋមន្ត្រីក្រសួងកសិកម្មជួបសំណេះសំណាលជាមួយម្ចាស់ក្រុមហ៊ុន សហគមន៍និងកសិករផលិតមៀនប៉ៃលិន ក្នុងខេត្តចំនួនពីរ
ត្រៀមអាវរងារ! អាកាសធាតុនៅកម្ពុជានឹងចុះត្រជាក់ដល់ ១៩ អង្សាសេ ហើយតំបន់ខ្ពស់រាបនឹងអាចចុះត្រជាក់ដល់ ១៨ អង្សាសេ រហូតដល់ថ្ងៃទី០១ ខែកុម្ភៈ
