ខាងក្រោមនេះ យើងខ្ញុំនឹងបង្ហាញអ្នកពីរឿងទាំងឡាយណា ដែលអ្នកមិនគួរធ្វើក្រោយញ៉ាំបាយរួច។ តើមានអ្វីខ្លះទៅ?
• ក្រោយពេលដែលអ្នកទើបតែញ៉ាំបាយឆ្អែត មិនគួរហាត់ប្រាណភ្លាមទេ ព្រោះក្រពះ និងពោះវៀន ត្រូវការរយៈពេលចន្លោះពី៤ ដល់៦ម៉ោង ដើម្បីរំលាយ។ ប្រសិនជាឆ្អែតភ្លាម ហាត់ប្រាណភ្លាម នឹងអាចធ្វើឲ្យអ្នកថប់ទ្រូង បើធ្ងន់ធ្ងរអាចក្អួត និងប៉ះពាល់ដល់សរសៃឈាម ក៏ថាបានដែរ។ ដូចនេះ ប្រសិនជាអ្នកចង់ហាត់ប្រាណខ្លាំង គួរតែចាំដល់ក្រោយ៤៥នាទី ទើបអាចពិចារណាហាត់ប្រាណបាន ប៉ុន្តែមិនគួរហាត់ដោយប្រើចលនាខ្លាំងៗទេ ដោយអាចដើរហាត់ប្រាណបាន។
• ក្រោយពិសាបាយរួច មនុស្សភាគច្រើនតែងតែងងុយគេងជានិច្ច ដោយសារតែឈាមភាគច្រើន រត់ទៅផ្គត់ផ្គង់នៅក្រពះ និងពោះវៀនដើម្បីរំលាយអាហារ។ ជាហេតុដែលធ្វើឲ្យខួរក្បាលខ្វះឈាម និងខ្វះអុកស៊ីសែន ទើបធ្វើឲ្យចង់តែគេង។ ប៉ុន្តែតើអ្នកដឹងទេថា គេងភ្លាមក្រោយបាយឆ្អែតភ្លាម នឹងធ្វើឲ្យអាហារ ពិបាករំលាយខ្លាំងណាស់ ថែមទាំងអាចធ្វើឲ្យច្រាលមកខាងលើផងដែរ។ ដូចនេះ អ្នកអាចសម្រាកដោយអង្គុយបាន មិនគួរគេងភ្លាមនោះទេ។
• ក្រោយបាយរួចភ្លាម ក៏មិនគួរទៅងូតទឹកភ្លាមដែរ ព្រោះខួរក្បាល បេះដូង កំពុងតែស្ថិតក្នុងសភាពខ្វះឈាម។ នៅពេលដែលអ្នកងូតទឹក នឹងធ្វើឲ្យសរសៃឈាមរីកធំ ដោយធ្វើឲ្យរាងកាយអ្នក អាចប្រឈមនឹងគ្រោះថ្នាក់បាន។
• ក្រោយពេលដែលទើបតែបរិភោគបាយឆ្អែតរួច បើអ្នកជក់បារី នឹងធ្វើឲ្យសុខភាពប្រឈមនឹងបញ្ហាធំណាស់។ នៅពេលដែលសារធាតុពុលដែលមានក្នុងបារីនោះចូលទៅក្នុងរាងកាយអ្នក នឹងធ្វើឲ្យអ្នកងាយប្រឈមនឹងជំងឺមហារីកខ្លាំង ថែមទាំងអាចធ្វើឲ្យសរសៃឈាមអ្នក កករឹងបានផងដែរ។
• ជើងជាបេះដូងទី២របស់អ្នក ព្រោះឈាមដំណើរការនៅទីនោះច្រើន។ ដូចនេះ ប្រសិនជាអ្នកមានទម្លាប់ត្រាំជើងក្រោយបាយរួច គួរតែកែចេញ ព្រោះវាអាចធ្វើឲ្យឈាមមិនអាចទៅផ្គត់ផ្គង់ក្រពះ និងពោះវៀន ដោយធ្វើឲ្យពិបាករំលាយអាហារខ្លាំងណាស់៕
អាជ្ញាធរជាតិអប្សរា ប្រទះឃើញបំណែករូបព្រះពុទ្ធបដិមាធ្វើពីថ្មភក់ ជាង ១០០បំណែក នៅប្រាសាទតាព្រហ្ម
មនុស្សស្រីវ័យកណ្តាល បើឧស្សាហ៍បរិភោគអាហារទាំង២ប្រភេទនេះ អាចថែរក្សាសុខភាពរាងកាយ និងសុខភាពស្បែកបាន
ឈ្វេងយល់ពីប្រវត្តិនៃពិធីបុណ្យចូលឆ្នាំចិន ដែលបងប្អូនខ្មែរជាប់សែស្រឡាយចិន តែងប្រារព្ធជារៀងរាល់ឆ្នាំ !
