ផ្លែល្ហុងគឺជាផ្លែឈើមួយប្រភេទសម្បូរដោយវីតាមីន និងសារធាតុរ៉ែជាច្រើនដែលមានអត្ថប្រយោជន៍ដល់សក់ដូចវីតាមីន A វីតាមីន C វីតាមីន E បេតាការ៉ូទីន លីកូពីន ប៉ូតាស្យូម និងម៉ង់ហ្គាណែស។ សារធាតុចិញ្ចឹមទាំងនេះមានគុណសម្បត្តិជួយបំប៉នស្បែកក្បាល ការពារសក់ជ្រុះ និងពន្លឿនការដុះសក់ផងដែរ។
លើសពីនេះ ផ្លែល្ហុងក៏សម្បូរទៅដោយអង់ស៊ីម papain ដែលមានសមត្ថភាពរំលាយប្រូតេអ៊ីន និងសារធាតុមិនល្អនៅលើស្បែកក្បាល រក្សាអនាម័យសរសៃសក់ និងមានសុខភាពល្អ។ ក្រៅពីនេះយើងក៏អាចយកផ្លែល្ហុងមកធ្វើជាម៉ាសអប់សក់បានដែរដោយវាមានអត្ថប្រយោជន៍ដូចខាងក្រោម៖
១. ធ្វើឱ្យសរសៃសក់ទន់រលោង
២. ការពារសក់ជ្រុះ
៣. ជួយឱ្យសរសៃសក់រឹងមាំ ភ្លឺរលោង និងមានសំណើម
៤. ជួយពន្លឿនការដុះសក់
៥. កម្ចាត់អង្គែ
៦. ចិញ្ចឹមស្បែកក្បាល
៧. បំបាត់រមាស់ស្បែកក្បាល
៨. កាត់បន្ថយបញ្ហាសក់បែកចុង
៩. ការពារសក់ស្ងួត និងខូច
ដូច្នេះសូម ចែករំលែកពីវិធីងាយៗធ្វើម៉ាសល្ហុងសម្រាប់អប់សក់ដូចខាងក្រោមនេះ៖ ដំបូងយកផ្លែល្ហុងទុំ ១ ផ្លែមកចិតសំបក ហើយកាត់ជាបំណែកតូចៗ
បន្ទាប់មកកិនល្ហុងឱ្យម៉ត់រួចយកទៅលាបលើសក់សើម ក្រោយមកម៉ាស្សាថ្នមៗលើស្បែកក្បាល និងសរសៃសក់ ហើយទុកចោលប្រហែល ៣០ នាទីចុងក្រោយកក់សក់ និងលាងសម្អាតដោយប្រើប្រាស់សាប៊ូដូចធម្មតា។
យើងអាចអប់សក់ជាមួយម៉ាសល្ហុង ២ ដងក្នុងមួយសប្ដាហ៍នឹងជួយឱ្យសក់កាន់តែរឹងមាំ ភ្លឺរលោង និងមានសំណើម។ចំណាំ៖ ប្រសិនបើយើងមានស្បែកងាយប្រតិកម្មគឺគួរតែយកធ្វើសាកល្បងលើកែងដៃសិនមុនពេលប្រើវា។
អាជ្ញាធរជាតិអប្សរា ប្រទះឃើញបំណែករូបព្រះពុទ្ធបដិមាធ្វើពីថ្មភក់ ជាង ១០០បំណែក នៅប្រាសាទតាព្រហ្ម
មនុស្សស្រីវ័យកណ្តាល បើឧស្សាហ៍បរិភោគអាហារទាំង២ប្រភេទនេះ អាចថែរក្សាសុខភាពរាងកាយ និងសុខភាពស្បែកបាន
ឈ្វេងយល់ពីប្រវត្តិនៃពិធីបុណ្យចូលឆ្នាំចិន ដែលបងប្អូនខ្មែរជាប់សែស្រឡាយចិន តែងប្រារព្ធជារៀងរាល់ឆ្នាំ !
