ដារ៉ាចម្រៀងរ៉េបដ៏ល្បីឈ្មោះ លោក ម៉ាន់ វណ្ណដា រួមជាមួយសិល្បករ និងសិល្បការិនីទាំងអស់នៃផលិតកម្មបារមី បានហាត់សមរួចរាល់ពីសម្រាប់ ពិធីបើក ព្រឹត្តិការណ៍ប្រកួតកីឡាជាតិលើកទី៤ និងកីឡាជាតិជនពិការលើកទី២ នាល្ងាចនេះ។
គួរជម្រាបផងដែរថាព្រឹត្តិការណ៍ប្រកួតកីឡាជាតិលើកទី៤និងកីឡាជាតិជនពិការលើកទី២ នឹងប្រារម្ភពិធីបើកជាផ្លូវការនៅថ្ងៃទី៣០ ខែតុលា នឹងមានអ្នកស្ម័គ្រចិត្ត ៦០០នាក់ និងអ្នកសម្ដែងទាំងអស់ជាង១០០០នាក់មានការជួបជុំគ្នានិងអ្នកសម្ដែងក៏ដូចជាតារាចម្រៀងនិងតារាចម្រៀងរ៉េបដែលស្ម័គ្រចិត្តចូលរួមកម្មវិធីបើកដែលនឹងប្រព្រឹត្តទៅពហុកីឡដ្ឋានជាតិអូឡាំពិក ចាប់ពីម៉ោង ៥:០០នាទីល្ងាចតទៅ។ ក្នុងនោះដែរ ក្រសួងអប់រំ បានដាក់ ៣៧ប្រភេទកីឡា លើការប្រកួតកីឡាជាតិ និង ៧ប្រភេទ ក្នុងព្រឹត្តិការណ៍កីឡាជាតិជនពិការដើម្បីអោយអត្តពលិកធ្វើការប្រកួតប្រជែង។សម្រាប់កីឡាជាតិលើកទី៤ឆ្នាំ២០២៤ស្ថាប័ន/ខេត្តរាជធានីចួលរួមសរុប៩បានបញ្ជូនអត្តពលិកចូលរួមសរុប៦៣ រូប ។ ស្ថាប័ន/ខេត្តរាជធានីដែលចួលរួមប្រកួតរួមមាន៖១.ក្រសួងមហាផ្ទៃ ២.ក្រសួងការពារជាតិ ៣.ខេត្តកំពង់ចាម ៤.ខេត្តកណ្តាល ៥.ខេត្តមណ្ឌលគីរី ៦.ខេត្តកំពត ៧.ខេត្តកំពង់សោម ៨.ខេត្តប៉ៃលិន និង ៩.រាជធានីភ្នំពេញ ។
គួរបញ្ជាក់ថា ក្រសួងអប់រំ ធ្លាប់រៀបចំព្រឹត្តិការណ៍នេះ ៣លើករួចហើយ ដែលលើកទី១ នៅឆ្នាំ២០១៦ លើកទី២ នៅឆ្នាំ២០១៨ និងលើកទី៣ នៅឆ្នាំ២០២២។ ខណ:ពិធីបើកការប្រកួតកីឡាជាតិលើកទី៤ និងកីឡាជាតិជនពិការលើកទី២ ឆ្នាំ២០២៤ ប្រព្រឹត្តទៅនៅថ្ងៃទី៣០ខែតុលាឆ្នាំ២០២៤វេលាម៉ោង១៦:៣០នាទីនៅក្នុងពហុកីឡដ្ឋានជាតិ (អូឡាំពិក)៕
តើវាសនាតារាចម្រៀង រតនៈ ពិសី ទៅជាយ៉ាងណា ក្រោយសមត្ថកិច្ចបញ្ជួនទៅកាន់តុលាការ ពីបទ «ចេញសែកគ្មានប្រាក់»
ក្រុមសម្តែង «គ្រូតឿ» ផលិតមាតិកាវីដេអូរកលុយដោយឆីត្រីអណ្តែងទាំងរស់ ត្រូវបាននគរបាលហៅមកដុសក្លែលជាលើកទី២
