ភ្នំពេញ៖ លោក ខេ ស៊ីបាណេត អនុប្រធានសហព័ន្ធកីឡាចំបាប់កម្ពុជា និងជាប្រធានសហព័ន្ធកីឡាចំបាប់អាស៊ីអាគ្នេយ៍ បានលើកឡើងថា «ក្រៅពីជោគជ័យលើការងាររៀបចំជើងឯកចំបាប់អាស៊ីអាគ្នេយ៍ កម្ពុជាក៏ទទួលបានជោគជ័យផ្នែកបច្ចេកទេសផងដែរ ដ្បិតកីឡាករ-កីឡាការិនីកម្ពុជា កើនបច្ចេកទេសខ្ពស់ជាងមុន បើធៀបការហ្វឹកហាត់មុន និងក្រោយស៊ីហ្គេម»។ លោក ខេ ស៊ីបាណេត បានបញ្ជាក់ថា «ឆ្នាំនេះយើងបានចូលរួមប្រកួតច្រើន ទាំងកម្រិតតំបន់ និងទ្វីប។ ដូច្នេះការប្រកួតច្រើន បានធ្វើឲ្យកីឡាករ-កីឡាការិនីរបស់យើងរីកចម្រើន ស្របតាមផែនការ ដែលយើងចង់រក្សា និងជំរុញបច្ចេកទេសបន្ថែម ដើម្បីត្រៀមដូចជាស៊ីហ្គេម ឆ្នាំ២០២៥ នៅថៃ និងកីឡាយុវជនអាស៊ី ឆ្នាំ២០២៩ នៅកម្ពុជាជាដើម»។ ក្រុមម្ចាស់ផ្ទះកម្ពុជា ដណ្ដើមបានមេដាយ ចំនូន ១៦គ្រឿងបន្ថែម គឺមានមេដាយមាស ១ ប្រាក់ ១០ និងសំរឹទ្ធ ៥ បានឡើងទៅឈរលេខ៣ ក្នុងតារាងពិន្ទុបណ្ដោះអាសន្ន ដោយសរុបលទ្ធផល ៣ថ្ងៃ កម្ពុជាដណ្ដើមបានមេដាយ ចំនួន ៣៦គ្រឿង (មាស ២ ប្រាក់ ២០ និងសំរឹទ្ធ ១៤) តាមពីក្រោយក្រុមភ្ញៀវថៃ ដែលឈរលេខ ២ ដណ្ដើមបានមេដាយសរុប ១៨គ្រឿង (មាស ៣ ប្រាក់ ៩ និងសំរឹទ្ធ ៦) តែនាំមុខក្រុមហ្វីលីពីន ដែលដណ្ដើមបានមេដាយសរុប ២៥គ្រឿង (មាស ១ ប្រាក់ ១៤ និងសំរឹទ្ធ ១០)។ សូមបញ្ជាក់ថា ព្រឹត្តិការណ៍ ការប្រកួតជ្រើសរើសជើងឯកអាស៊ីអាគ្នេយ៍ ចាប់ពីថ្ងៃទី០៤ ដល់ ទី០៩ ខែធ្នូ ឆ្នាំ ២០២៣ នៅក្នុងពហុកីឡាដ្ឋានជាតិអូឡាំពិក នឹងបញ្ចប់ការប្រកួតវគ្គផ្ដាច់ព្រ័ត្ររបស់ខ្លួន នាល្ងាចម៉ោង៤ ថ្ងៃទី០៩ ខែធ្នូនេះ៕
ប្រគល់ជ័យលាភី ដល់ក្រុមកីឡាករបាល់ទាត់ពានរង្វាន់របស់ឯកឧត្តម អ៊ុន ចាន់ដា សន្តិភាព រដូវកាលទី២ ឆ្នាំ២០២៤
អគ្គលេខាធិការ NOCC មានគោលដៅដាក់ «គុនខ្មែរ» ក្នុងការប្រកួតកីឡាអាស៊ី និងដំណាក់កាលឈានដល់កម្រិតអូឡាំពិក
សហព័ន្ធកីឡាទ្រីយ៉ាត្លុងកម្ពុជា ប្រកាសរៀបចំការប្រកួតជ្រើសរើសជើងឯកថ្នាក់ជាតិ ឆ្នាំ២០២៣ នៅខេត្តកែប
🇰🇭 អបអរសាទរ មេដាយមាសទី២៦របស់កម្ពុជា ដោយកីឡាករការ៉ាតេដូកម្ពុជា🥇 ជ្រុន វិរៈបុត្រ បានឈ្នះមេដាយមាស។
