MSJTV NEWS: យោធាអ៊ីស្រាអែលបើកការលុកលុយធំនៅហ្គាហ្សាធ្វើឲ្យមានការព្រួយបារម្ភកាន់តែខ្លាំងឡើងនៅទូទាំងពិភពលោកដែលថា «សង្រ្គាមអាចពង្រីកទៅជាជម្លោះកាន់តែធំ»

យោធាអ៊ីស្រាអែលបើកការលុកលុយធំនៅហ្គាហ្សាធ្វើឲ្យមានការព្រួយបារម្ភកាន់តែខ្លាំងឡើងនៅទូទាំងពិភពលោកដែលថា «សង្រ្គាមអាចពង្រីកទៅជាជម្លោះកាន់តែធំ»

Phally Nov

2023-10-28 09:16

530

ក្រុមមន្ត្រីយោធាអ៊ីស្រាអែល បាននិយាយ នៅយប់ថ្ងៃសុក្រនេះថា កងកម្លាំងជើងគោករបស់ខ្លួនកំពុងពង្រីកប្រតិបត្តិការរបស់ពួកគេនៅក្នុងតំបន់ហ្គាហ្សា។ សេចក្តីប្រកាសនេះ បានកើតឡើងនៅពេលដែលអ៊ីស្រាអែល បានធ្វើការវាយប្រហារតាមអាកាសដ៏ធំ និងមិនធ្លាប់មានពីមុនមក និងការវាយប្រហារដោយកាំភ្លើងធំទៅលើភាគខាងជើង Gaza Strip។

យោងតាមក្រុមមន្ត្រីសិទ្ធិមនុស្សប៉ាឡេស្ទីន និងរបាយការណ៍ជាច្រើនបានឱ្យដឹងថា បណ្តាញទូរសព្ទ អ៊ីនធឺណិត និងទំនាក់ទំនងផ្សេងទៀត នៅក្នុងរង្វង់ប្រតិបត្តិការត្រូវបានកាត់បន្ថយផងដែរ។
ក្រុមហាម៉ាស់ បានបាញ់គ្រាប់រ៉ុក្កែត ទៅលើទីក្រុង Tel Aviv និងទីក្រុងផ្សេងទៀត នៅភាគកណ្តាលអ៊ីស្រាអែល។ មន្ត្រីអ៊ីស្រាអែលពីរនាក់ បាននិយាយថា ការសម្រេចចិត្តពង្រីកប្រតិបត្តិការជើងគោក នៅតំបន់ហ្គាហ្សា ត្រូវបានធ្វើឡើងដោយគណៈរដ្ឋមន្ត្រីសង្គ្រាមអ៊ីស្រាអែល កាលពីយប់ថ្ងៃព្រហស្បតិ៍ ម៉ោងក្នុងស្រុក បន្ទាប់ពីកិច្ចពិភាក្សា ស្តីពី ការដោះលែងចំណាប់ខ្មាំងដែលអាចឈានដល់ភាពជាប់គាំង។

អ្វីដែលពួកគេកំពុងនិយាយ៖ «ប៉ុន្មានម៉ោងចុងក្រោយនេះ យើងបានពង្រីកចំនួន នៃការវាយប្រហារតាមអាកាស នៅតំបន់ហ្កាហ្សា ក្នុងវិធីដ៏សំខាន់មួយ»។
មន្ត្រីដដែលបានបន្ថែមថា៖ បន្ថែមពីលើសកម្មភាពវាយលុកដែលយើងបានធ្វើក្នុងប៉ុន្មានថ្ងៃថ្មីៗនេះ កងកម្លាំងជើងគោករបស់យើងកំពុងពង្រីកប្រតិបត្តិការរបស់ពួកគេនៅយប់នេះ។ IDF កំពុងប្រតិបត្តិការគ្រប់ទំហំ ដើម្បីសម្រេចគោលដៅនៃសង្គ្រាម។

លោក Hagari បាននិយាយថា IDF នឹងបន្តការវាយប្រហាររបស់ខ្លួន នៅក្នុងទីក្រុង Gaza និងតំបន់ជុំវិញ ហើយបានសង្កត់ធ្ងន់ថា «អ៊ីស្រាអែលអំពាវនាវដល់ជនស៊ីវិលប៉ាឡេស្ទីនដែលនៅតែស្ថិតនៅក្នុងតំបន់នេះ ទៅកាន់ផ្នែកភាគខាងត្បូងនៃស្ទ្រីប» ជាកន្លែងដែលវាមានសុវត្ថិភាពជាង។

ក្រុមយោធាហាម៉ាស បាននិយាយនៅក្នុងសេចក្តីថ្លែងការណ៍មួយថា ខ្លួនកំពុងប្រឈមមុខនឹងការលុកលុយរបស់យោធាអ៊ីស្រាអែល នៅក្នុងទីក្រុង Beit Hanoun ភាគខាងជើង Gaza Strip និងនៅភាគខាងកើតនៃជំរុំជនភៀសខ្លួន al-Bureij នៅកណ្តាលនៃឧបទ្វីបនេះ។

លោក Hagari បានប្រាប់ Axios ថា ក្នុងរយៈពេលប៉ុន្មានថ្ងៃកន្លងមកនេះ កងកម្លាំងជើងគោក IDF បានធ្វើការវាយឆ្មក់គោលដៅជាច្រើន នៅខាងក្នុង Gaza Strip ក្នុងគោលបំណងរៀបចំដីសម្រាប់ដំណាក់កាលនៃប្រតិបត្តិការនាពេលអនាគត។ មន្ត្រីជាន់ខ្ពស់អ៊ីស្រាអែលបានប្រាប់ Axios ថា ការលុកលុយរបស់ IDF ដែលបានចាប់ផ្តើមកាលពីថ្ងៃសុក្រ ភាគច្រើនកើតឡើងនៅភាគខាងជើង Gaza Strip។

មន្ត្រីរូបនេះបានបន្ថែមថា វាធំជាង និងសំខាន់ជាងការវាយឆ្មក់ដែលមានកម្រិតដែលបានកើតឡើងក្នុងប៉ុន្មានថ្ងៃថ្មីៗនេះ។
ការពង្រីកប្រតិបត្តិការរបស់ខ្លួនរបស់ IDF កើតឡើងជិតបីសប្តាហ៍បន្ទាប់ពីក្រុមហាម៉ាស់ បានសម្លាប់មនុស្ស ១ ៤០០នាក់ នៅក្នុងការវាយប្រហារភេរវកម្មថ្ងៃទី០៧ ខែតុលា មកលើអ៊ីស្រាអែល។
ចាប់តាំងពីពេលនោះមក ប្រជាជនប៉ាឡេស្ទីន ជាង ៧ ០០០នាក់ ត្រូវបានសម្លាប់ចំពេលមានការទម្លាក់គ្រាប់បែករបស់អ៊ីស្រាអែល ទៅលើតំបន់ហ្គាហ្សាស្ទ្រីប។ នេះបើយោងតាមក្រសួងសុខាភិបាល នៃតំបន់ហ្គាហ្សារបស់ហាម៉ាសបានអះអាង។

តាមមន្ត្រីអ៊ីស្រាអែល បាននិយាយាថា ក្រុមហាម៉ាស់កំពុងចាប់មនុស្សជាង ២២០នាក់ ជាចំណាប់ខ្មាំង ភាគច្រើនជាជនជាតិអ៊ីស្រាអែល ប៉ុន្តែក្រុមនេះក៏កាន់ជនជាតិអាមេរិក និងជនបរទេសផ្សេងទៀតផងដែរ។

មន្ត្រីអ៊ីស្រាអែល បាននិយាយថា គោលដៅនៃការវាយលុកលើដី គឺដើម្បីរុះរើកម្ទេចហេដ្ឋារចនាសម្ព័ន្ធក្រុមហាម៉ាស និងបំផ្លាញទាំងស្រុងនូវក្រុមសកម្មប្រយុទ្ធ ដែលត្រូវបានចាត់ទុកថា ជាអង្គការភេរវករដោយអ៊ីស្រាអែល សហរដ្ឋអាមេរិក និងប្រទេសដទៃទៀត។

នាយករដ្ឋមន្ត្រីអ៊ីស្រាអែល លោក Benjamin Netanyahu ធ្លាប់បានព្រមានថា សង្រ្គាមនឹងមានរយៈពេលវែង និងពិបាក។ នៅដើមដំបូងនៃការប្រយុទ្ធគ្នាលោក Netanyahu បានប្រាប់ប្រធានាធិបតី Biden ថាអ៊ីស្រាអែលគ្មានជម្រើសអ្វីក្រៅពីការឈ្លានពានស្ទ្រីបនោះទេ។

មុនពេលអ៊ីស្រាអែលពង្រីកប្រតិបត្តិការលើដីរបស់ខ្លួន អ៊ីស្រាអែល បានបញ្ជាឱ្យប្រជាជនប៉ាឡេស្ទីនជាង ១លាននាក់ នៅភាគខាងជើងនៃស្ទ្រីប ដើម្បីជម្លៀសទៅភាគខាងត្បូង។
យោងតាមរបាយការណ៍អង្គការសហប្រជាជាតិ បានឲ្យដឹងថា ប្រជាជនប៉ាឡេស្ទីន ប្រហែល ៧០០ ០០០នាក់ បានគោរពតាមបទបញ្ជានេះ។ អ្នកផ្សេងទៀតនៅតែនៅភាគខាងជើង Gaza ដោយនិយាយថា «គ្មានកន្លែងត្រូវទៅនោះទេ»។

ស្ថានភាពដ៏អាក្រក់នៅក្នុងតំបន់ Gaza កាន់តែអាក្រក់ទៅៗ ចាប់តាំងពីសង្រ្គាម និងការឡោមព័ទ្ធទាំងស្រុងរបស់អ៊ីស្រាអែលបានចាប់ផ្តើម។ តំបន់ហ្គាហ្សាភាគច្រើនស្ថិតក្នុងភាពងងឹត បន្ទាប់ពីអ៊ីស្រាអែលកាត់ផ្តាច់ចរន្តអគ្គិសនី។ក្រុមជំនួយនិយាយថា មន្ទីរពេទ្យ និងសាលារៀនដែលផ្តល់ជម្រកដល់ប្រជាជនកំពុងតែអស់ការផ្គត់ផ្គង់។ អ៊ីស្រាអែលបានអនុញ្ញាតឱ្យជំនួយមួយចំនួនចូលទៅក្នុងតំបន់ហ្គាហ្សា ពីប្រទេសអេហ្ស៊ីប បន្ទាប់ពីមានសម្ពាធកាន់តែខ្លាំងឡើងទូទាំងពិភពលោក រួមទាំងសហរដ្ឋអាមេរិក ប៉ុន្តែក្រុមជំនួយនិយាយថា វាគ្រាន់តែជាផ្នែកខ្លះនៃតម្រូវការរបស់ក្រុមហ៊ុមព័ទ្ធ។ គ្មាននរណាម្នាក់ រួមទាំងជនជាតិអាមេរិក-ប៉ាឡេស្ទីនរាប់រយនាក់ ត្រូវបានអនុញ្ញាតឱ្យចាកចេញពីតំបន់នេះ បើទោះបីជាមានការខិតខំប្រឹងប្រែងដោយរដ្ឋាភិបាលបរទេស ដើម្បីដកសញ្ជាតិរបស់ពួកគេចេញក៏ដោយ។

មានការព្រួយបារម្ភកាន់តែខ្លាំងឡើងៗនៅទូទាំងពិភពលោកដែលថាសង្រ្គាមអាចពង្រីកទៅជាជម្លោះកាន់តែធំ។ ក្រុមហេសបូឡាដែលគាំទ្រដោយអ៊ីរ៉ង់នៅក្នុងប្រទេសលីបង់ និងទីក្រុងតេអេរ៉ង់ទាំងពីរបានព្រមានអ៊ីស្រាអែលប្រឆាំងនឹងការបើកការឈ្លានពានតំបន់ហ្គាហ្សា។ នៅតំបន់ហ្គាហ្សា វាមិនច្បាស់ទេថា តើអ៊ីស្រាអែលគ្រោងនឹងធ្វើអ្វី? ប្រសិនបើសម្រេចបាននូវគោលបំណងរបស់ខ្លួនក្នុងការកម្ទេចក្រុមហាម៉ាស់។

មន្ត្រីអ៊ីស្រាអែលនិយាយថា បន្ទាប់ពីកម្ទេចក្រុមហាម៉ាស ពួកគេចង់បង្កើត «របបសន្តិសុខថ្មី» នៅហ្គាហ្សា។
រដ្ឋមន្ត្រីការពារជាតិអ៊ីស្រាអែល លោក Yoav បានមានប្រសាសន៍ថា «យើងស្ថិតក្នុងដំណាក់កាលទីមួយ ដែលយុទ្ធនាការយោធាកំពុងប្រព្រឹត្តទៅជាមួយនឹង [ការវាយប្រហារ] ហើយក្រោយមកជាមួយនឹងសមយុទ្ធ [ដី] ក្នុងគោលបំណងបំផ្លាញប្រតិបត្តិការ និងបំផ្លាញហេដ្ឋារចនាសម្ព័ន្ធ ដើម្បីកម្ចាត់ និងបំផ្លាញក្រុមហាម៉ាស»។

លោកបានបន្ថែមថា៖ «ដំណាក់កាលទីពីរដែលជាកម្រិតមធ្យមនឹងតម្រូវឱ្យមានប្រតិបត្តិការក្នុងកម្រិតកម្រិតទាបក្នុងគោលបំណងលុបបំបាត់ភាពធន់ទ្រាំ »។ លោកបន្ថែមថា «ជំហានទីបី ជាការបង្កើតរបបសន្តិសុខថ្មីនៅតំបន់ហ្គាហ្សាស្ទ្រីប ការដកទំនួលខុសត្រូវរបស់អ៊ីស្រាអែលសម្រាប់ជីវិតប្រចាំថ្ងៃនៅក្នុងតំបន់ហ្គាហ្សាស្ទ្រីប និងការបង្កើតការពិតសន្តិសុខថ្មីសម្រាប់ពលរដ្ឋអ៊ីស្រាអែល»៕

03 December, 2024

អត្ថបទដែលទាក់ទង